സംസ്ഥാനത്ത് 44 പേര്ക്ക് കൂടി ഒമിക്രോണ്.
സംസ്ഥാനത്ത് 44 പേര്ക്ക് കൂടി ഒമിക്രോണ് സ്ഥിരീകരിച്ചതായി ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു. എറണാകുളം 12, കൊല്ലം 10, തിരുവനന്തപുരം 8, തൃശൂര് 4, കോട്ടയം, പാലക്കാട്, മലപ്പുറം, കണ്ണൂര് 2 വീതം, ആലപ്പുഴ, ഇടുക്കി 1 വീതം പേര്ക്കാണ് ഒമിക്രോണ് സ്ഥിരീകരിച്ചത്. ഇതില് 10 പേര് ഹൈ റിസ്ക് രാജ്യങ്ങളില് നിന്നും 27 പേര് ലോ റിസ്ക് രാജ്യങ്ങളില് നിന്നും വന്നവരാണ്. 7 പേര്ക്കാണ് സമ്പര്ക്കത്തിലൂടെ ഒമിക്രോണ് ബാധിച്ചത്. കൊല്ലം 4, കോട്ടയം 2, തിരുവനന്തപുരം 1 എന്നിങ്ങനെയാണ് സമ്പര്ക്കത്തിലൂടെ ഒമിക്രോണ് ബാധിച്ചത്.
എറണാകുളത്ത് 4 പേര് യുഎഇയില് നിന്നും, 3 പേര് യുകെയില് നിന്നും, 2 പേര് ഖത്തറില് നിന്നും, ഒരാള് വീതം സൗത്ത് ആഫ്രിക്ക, ഇസ്രേയല്, മാള്ട്ട എന്നിവിടങ്ങളില് നിന്നും വന്നവരാണ്. കൊല്ലത്ത് 5 പേര് യുഎഇയി, ഒരാള് ഈസ്റ്റ് ആഫ്രിക്ക, തിരുവനന്തപുരത്ത് 6 പേര് യുഎഇ, ഒരാള് ഖത്തർ , തൃശൂരില് 3 പേര് യുഎഇ, ഒരാള് യുകെ എന്നിവിടങ്ങളില് നിന്നുമാണ് വന്നത്. പാലക്കാട്, നൈജീരിയ, യുഎഇ എന്നിവിടങ്ങളില് നിന്നും മലപ്പുറത്ത് യുകെ, സ്പെയിന് എന്നിവിടങ്ങളില് നിന്നും, കണ്ണൂരില് സ്വീഡന്, യുഎഇ എന്നിവിടങ്ങളില് നിന്നും, ആലപ്പുഴയില് ഇറ്റലിയില് നിന്നും, ഇടുക്കിയില് സ്വീഡനില് നിന്നും വന്നവര്ക്കും ഒമിക്രോണ് സ്ഥിരീകരിച്ചു.
ഇതോടെ സംസ്ഥാനത്ത് ആകെ 107 പേര്ക്ക് ഒമിക്രോണ് സ്ഥിരീകരിച്ചു. ഹൈ റിസ്ക് രാജ്യങ്ങളില് നിന്നും ആകെ 41 പേരും ലോ റിസ്ക് രാജ്യങ്ങളില് നിന്നും 52 പേരും എത്തിയിട്ടുണ്ട്. 14 പേര്ക്കാണ് ആകെ സമ്പര്ക്കത്തിലൂടെ രോഗം സ്ഥിരീകരിച്ചത്. യുഎഇയില് നിന്നും വന്നവര്ക്കാണ് ഏറ്റവും കൂടുതല് ഒമിക്രോണ് സ്ഥിരീകരിച്ചത്. 29 പേരാണ് യുഎഇയില് നിന്നുമെത്തിയത്. യുകെയില് നിന്നുമെത്തിയ 23 പേര്ക്കും ഒമിക്രോണ് ബാധിച്ചു. എറണാകുളം 37, തിരുവനന്തപുരം 26, കൊല്ലം 11, തൃശൂര് 9, പത്തനംതിട്ട 5, ആലപ്പുഴ 5, കണ്ണൂര് 4, കോട്ടയം 3, മലപ്പുറം 3, പാലക്കാട് 2, കോഴിക്കോട് 1, ഇടുക്കി 1 എന്നിങ്ങനെയാണ് ജില്ലകളില് ഒമിക്രോണ് സ്ഥിരീകരിച്ചത്.
