മാധ്യമ പ്രവർത്തകൻ സുരേഷ് ഇ നായർ അന്തരിച്ചു
എടപ്പാൾ: മുതിർന്ന മാധ്യമ പ്രവർത്തകനും എടപ്പാൾ, കുറ്റിപ്പുറം പ്രസ് ക്ലബ് രക്ഷാധികാരിയുമായ സുരേഷ് ഇ നായർ (50) അന്തരിച്ചു. തവനൂർ മാണൂർ സ്വദേശിയാണ്. ശനിയാഴ്ച രാത്രി തിരുനാവായ റെയിൽവേ സ്റ്റേഷന് സമീപം തീവണ്ടി തട്ടി മരിച്ച നിലയിൽ മൃതദേഹം കണ്ടെത്തുകയായിരുന്നു.
മാധ്യമം, ദീപിക തുടങ്ങിയ വിവിധ പത്രങ്ങളിൽ പ്രാദേശിക ലേഖകനായി പ്രവർത്തിച്ചിരുന്ന അദ്ദേഹം നിലവിൽ മാതൃഭൂമി ദിനപ്രത്രത്തിന്റെ കുറ്റിപ്പുറം ലേഖകനാണ്. വട്ടംകുളം പോസ്റ്റ് ഓഫീസ് ജീവനക്കാരൻ കൂടിയായ സുരേഷ് കേരള കാറ്ററേഴ്സ്‌ അസോസിയേഷൻ സംസ്ഥാന ഭാരവാഹിയാണ്.
എടപ്പാൾ ആസ്ഥാനമായി മയൂര എന്ന കാറ്ററിംഗ് സ്ഥാപനം ഇദേഹത്തിന്റെ ഉടമസ്ഥതയിലുണ്ട്. കുറ്റിപ്പുറം പ്രസ് ക്ലബിന്റെ ആദ്യകാല പ്രസിഡന്റും നിലവിലെ എടപ്പാൾ, കുറ്റിപ്പുറം പ്രെസ്സ് ക്ലബ് രക്ഷാധികാരി കൂടിയാണ്. തിരൂർ ജില്ലാ അശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം നടപടിക്രമങ്ങൾക്ക് ശേഷം ബന്ധുക്കൾക്ക് വിട്ടു നൽകും.
