Local news

കോൺഗ്രസുകാർ എഴുതിപ്പഠിക്കും; രാഷ്ട്രീയപാഠങ്ങൾ!

കുന്നംകുളം : കോൺഗ്രസുകാർ ഇനി പുതിയ കാലത്തെ രാഷ്ട്രീയം ‘നോട്ടുബുക്കിൽ’ എഴുതി ചിട്ടയോടെ പഠിക്കും. ലോക്സഭ തെരഞ്ഞെടുത്ത വിവരങ്ങൾ അടങ്ങിയ പ്രത്യേക നോട്ടുബുക്കുകൾ കീഴ്ഘടകങ്ങൾക്ക് വിതരണം ചെയ്യാനുള്ള ഒരുക്കത്തിലാണ് ജില്ലാ കോൺഗ്രസ് കമ്മിറ്റി. കുന്നംകുളത്തെ ബൈൻഡിങ് യൂണിറ്റുകളിൽ നോട്ടുബുക്കിന്റെ നിർമ്മാണം സജീവമായി. വർണ്ണശബളമായ പുറംചൊട്ടയോടു കൂടിയാണ്’ മിഷൻ 2024′ എന്ന് പേരിട്ടിരിക്കുന്ന നോട്ടുബുക്ക് തയ്യാറാക്കുന്നത്. ജില്ലയിലെ 2323 ബൂത്ത് കമ്മിറ്റികൾ വഴി ഇവ പ്രവർത്തകരിലേക്ക് എത്തിക്കും.
തൃശ്ശൂർ, ചാലക്കുടി, ആലത്തൂർ എന്നീ പാർലമെന്റ് മണ്ഡലങ്ങൾ നിലനിർത്താൻ താഴെത്തട്ടിലെ പ്രവർത്തനം ചിട്ടപ്പെടുത്തുകയാണ് ലക്ഷ്യമെന്ന് ഡിസിസി പ്രസിഡന്റ് ജോസ് വള്ളൂർ പറഞ്ഞു. ബൂത്ത് കമ്മിറ്റി അംഗങ്ങളുടെ പേരും ഫോൺ നമ്പറും ചേർക്കാൻ നോട്ടുബുക്കിൽ പ്രത്യേക ഇടമുണ്ട്. യോഗങ്ങളുടെ മിനിസ്റ്റ് രേഖപ്പെടുത്താനും പുസ്തകം പ്രയോജനപ്പെടുത്തും.
മുൻകാല തെരഞ്ഞെടുപ്പിന്റെ കണക്ക്,വോട്ടർമാരുടെ വിവരങ്ങൾ,പ്രവർത്തന ഷെഡ്യൂൾ എന്നിവയും പുസ്തകത്തിൽ ഉൾപ്പെടുത്തുന്നുണ്ട്. മഹാത്മാഗാന്ധി അടക്കം മണ്മറഞ്ഞ ദേശീയ നേതാക്കളുടെ ചിത്രമുള്ള പുസ്തകത്തിൽ അത് മണ്ഡലത്തിലെ എംപിയുടെയും ചിത്രമുണ്ട്. രൂപകൽപ്പന, അച്ചടി, വിതരണം എന്നിവ ഏകോപിപ്പിക്കുന്നത് യൂത്ത് കോൺഗ്രസ് ജില്ലാ ഭാരവാഹിയും നഗരസഭ കൗൺസിലറും ആയ ലബീബ് ഹസനാണ്.

Related Articles

Leave a Reply

Your email address will not be published. Required fields are marked *

Back to top button