ഐഡിയലിൽ ഓർമകൾ പുതുക്കി അവർ ഒത്തുകൂടി
കടകശ്ശേരി: ഐഡിയൽ കാമ്പസിലെ 2006 മുതൽ 2012 വരെയുള്ള എസ് എസ് എൽ സി ബാച്ചിലെ വിദ്യാർത്ഥികൾ കാമ്പസിൽ ഒത്തുകൂടി.
വിദ്യാർത്ഥികൾക്ക് തങ്ങളുടെ പ്രിയപ്പെട്ട അധ്യാപകരോടും സുഹൃത്തുക്കളോടുമൊപ്പം സ്കൂളിൽ ഒരു ദിവസം ചെലവഴിച്ച് തങ്ങളുടെ ഏറ്റവും അമൂല്യമായ ദിനങ്ങൾ പുനഃസ്ഥാപിക്കാനുള്ള അവസരമായി റീ-സ്റ്റോർ 22 എന്ന പേരിൽ സംഘടിപ്പിച്ച ഈ കൂടിച്ചേരൽ
പൂർവ്വ വിദ്യാർത്ഥി കെ പി ഹസനത്ത് സ്വാഗതം പറഞ്ഞ ചടങ്ങിൽ ഹൈസ്കൂൾ എച്ച്എം ചിത്ര ഹരിദാസ് അധ്യക്ഷത വഹിച്ചു, ഐഡിയൽ സ്ഥാപനങ്ങളുടെ മാനേജർ മജീദ് ഐഡിയൽ പൂർവവിദ്യാർഥി സംഗമം ഉദ്ഘാടനം ചെയ്തു.
വിദ്യാർഥികളുടെ നേട്ടങ്ങളെ അനുസ്മരിച്ച അദ്ദേഹം
‘ഓർമ്മകൾ പുരാതന വസ്തുക്കളെ പോലെയാണ്, പഴകുന്നതിനുസരിച്ച് അവ കൂടുതൽ മൂല്യവത്താകുമെന്നും’ ഓർമപ്പെടുത്തിയാണ് പ്രസംഗം ഉപസംഹരിച്ചത്.
അറബിക് വിദഗം മേധാവി ഉമർ പുനത്തിൽ മുഖ്യ പ്രഭാഷണം നടത്തി. വിദ്യാർത്ഥികൾ കേക്ക് മുറിച്ചു വിതരണം ചെയ്യുകയും തങ്ങളുടെ പ്രിയപ്പെട്ട അധ്യാപകരെയും വിവിധ വകുപ്പ് മേധാവികളെയും സപ്പോർട്ടിംഗ് ടീമിനെയും പൊന്നാട അണിയിച്ച് ആദരിക്കുകയും ചെയ്തു .
സാന്നിധ്യം അറിയിക്കാൻ കഴിയാതിരുന്ന വിദേശത്തുള്ള പൂർവ വിദ്യാർത്ഥികൾക്ക് വെർച്വലായി പരിപാടിയിൽ സംബന്ധിക്കാനുള്ള അവസരവും ഉണ്ടായിരുന്നു.
ഗവ: സർവ്വീസുകളിലും ബിസ്നസ് മേഖലകളിലും മറ്റുമുള്ള പൂർവ്വ വിദ്യാർത്ഥികളായ അനീസ്റഹ്മാൻ, സാജിദ്, അജ്മൽ റിദ് വാൻ,നസീബ തസ്നിം, സമീറ, മൻസൂറ,അസ്ഹറുദ്ദീൻ, ഡോ:മുഫീദ് ,ഡോ: സഫീദ, ഡോ: മുഹ്സിൻ അഡ്വ: ഷഹ് ലാൻ
എൻജിനീയർമാരായ മുജീബ് റഹ്മാൻ, നിഷാദ്, മുനവ്വർ, തുടങ്ങിയവർ നേതൃത്വം നൽകി.
