EDAPPAL

പൂവിപണിയില്‍ വിലക്കയറ്റം

എടപ്പാള്‍  : കോവിഡ് രോഗ ഭീതിയില്‍ നിന്നും ആശ്വാസം നേടിയതോടെ ഇത്തവണത്തെ ഓണം വിപണി കൂടുതല്‍ സജീവമാകുമെന്നത് മുന്‍ കൂട്ടി കണ്ട്  അന്യ സംസ്ഥാന ലോബികള്‍ പൂക്കള്‍ക്ക് വില ഉയര്‍ത്തി. 

അന്യ സംസ്ഥാനങ്ങളില്‍ നിന്നും പൂക്കളമൊരുക്കാന്‍ എത്തുന്ന പൂക്കള്‍ക്ക് മൊത്ത വില്‍പ്പനയില്‍ 20 -രൂപ മുതല്‍ 50 -രൂപ വരെ  വില ഉയര്‍ത്തിയപ്പോള്‍ ചില്ലറ കച്ചവടക്കാര്‍  50 രൂപ മുതല്‍ 100 രൂപ വരെ വില ഉയര്‍ത്തിയിരിക്കുകയുമാണ്.

ചുവന്ന ചെണ്ടുമല്ലി കിലോക്ക് 80 -മുതല്‍ 100 -വരേയും മഞ്ഞ ചെണ്ടുമല്ലി  130- മുതല്‍ 150-വരേയും അരളിപ്പൂവ് 300- രൂപയും വെള്ള ജമന്തി 220- മുതല്‍ 250 -വരേയും വാടാര്‍മല്ലി 150- മുതല്‍ 200 -വരേയും ചുവന്ന റോസ് പൂവ് 400-രൂപയും ആസ്ട്രലൈറ്റ് 200- രൂപയുമാണ് ചില്ലറ വില്‍പ്പന വില.എല്ലാ പൂക്കളും ഉള്‍പ്പെടുന്ന കിറ്റുകള്‍ 50-രൂപ,100-രൂപ നിരക്കിലും ലഭ്യമാണ്.

ബാംഗ്ളൂര്‍, മൈസൂര്‍,ഗുണ്ടല്‍പ്പേട്ട്,ദിണ്ടിഗല്‍ എന്നിവിടങ്ങളില്‍ നിന്നാണ് ഓണവിപണിയിലേക്കുള്ള പൂക്കള്‍ പ്രധാനമായും എത്തുന്നത്.ഇത്തവണത്തെ ഓണവിപണി കൂടുതല്‍ ഉഷാറാകുമെന്ന പ്രതീക്ഷയില്‍ വിപണിയില്‍ പൂക്കച്ചവടക്കാരുടെ എണ്ണവും ഗണ്യമായി 
വര്‍ധിച്ചിട്ടുണ്ട്.

Related Articles

Leave a Reply

Your email address will not be published. Required fields are marked *

Back to top button