KERALA
പാലക്കാട് മാലിന്യ സംസ്കരണ കേന്ദ്രത്തിൽ തീപിടുത്തം
പാലക്കാട് ജില്ലയിലെ മലമ്പുഴയിൽ ആശുപത്രി മാലിന്യ സംസ്കരണ കേന്ദ്രത്തിൽ തീപിടുത്തം. മാലിന്യ സംസ്കരണ കേന്ദ്രമായ ഇമേജിലാണ് തീപിടുത്തം ഉണ്ടായത്. ഇന്ത്യൻ മെഡിക്കൽ അസോസിയേഷന്റെ നിയന്ത്രണത്തിലുള്ളതാണ് ഈ സ്ഥാപനം. സ്ഥലത്ത് അഗ്നിശമന സേനയുടെ നേതൃത്വത്തിൽ തീയണക്കാനുള്ള ശ്രമം തുടരുകയാണ്. പ്ലാന്റ് 90 ശതമാനവും കത്തി നശിച്ചു. ആര്ക്കും ആളപായമില്ല. തൊട്ടടുത്ത പ്ലാന്റിന് തീപിടിക്കാതിരിക്കാനുള്ള ശ്രമം തുടരുകയാണ്.മാലിന്യ സംസ്കരണ കേന്ദ്രത്തിന്റെ ഭാഗത്ത് നിന്നുണ്ടായ വീഴ്ചയാണ് തീപിടുത്തത്തിന് കാരണമെന്ന് ചൂണ്ടിക്കാട്ടി മലമ്പുഴ, പാലക്കാട് എംഎൽഎമാർ രംഗത്തെത്തിയിട്ടുണ്ട്. സംസ്കരിക്കാവുന്നതിലധികം മാലിന്യങ്ങൾ പ്ലാന്റിൽ ഉണ്ടായിരുന്നെന്നും ഇതാണ് വലിയ തീപിടുത്തതിലേക്ക് നയിച്ചതെന്നുമാണ് ഇവരുടെ ആരോപണം.
