ഹരിത കര്‍മ്മ സേനക്ക് മെറ്റല്‍ ട്രോളികള്‍ നല്‍കി ആലംകോട് ഗ്രാമപഞ്ചായത്ത്
ചങ്ങരംകുളം: മാലിന്യ നിര്‍മ്മാര്‍ജ്ജനം ശക്തിപ്പെടുത്തുന്നതിന്റെ ഭാഗമായി ഹരിത കര്‍മ്മ സേനക്ക് മെറ്റല്‍ ട്രോളികള്‍ നല്‍കി ആലംകോട് ഗ്രാമപഞ്ചായത്ത്.ഹരിത കര്‍മ്മ സേനയുടെ നേതൃത്വത്തില്‍ പഞ്ചായത്തിൽ നടത്തുന്ന വാതില്‍പ്പടി പ്ലാസ്റ്റിക് ശേഖരണം ഊര്‍ജ്ജിതമാക്കുന്നതിനാണ് മെറ്റല്‍ ട്രോളികള്‍ എത്തിച്ചിരിക്കുന്നത്.ഗ്രാമപഞ്ചായത്ത് 2024-25 വാര്‍ഷിക പദ്ധതിയില്‍ ഉള്‍പ്പെടുത്തി ആദ്യം ഘട്ടം 11 ട്രോളികളാണ് വാങ്ങി നല്‍കിയത്.ഹരിത കര്‍മ്മ സേനക്കുള്ള മെറ്റല്‍ ട്രോളികളുടെ വിതരണോദ്ഘാടനം ഗ്രാമ പഞ്ചായത്ത് പ്രസിഡൻ്റ് കെ വി ഷഹീർ നിര്‍വഹിച്ചു.ഗ്രാമപഞ്ചായത്ത് വൈസ് പ്രസിഡന്റ് പ്രഭിത ടീച്ചർ അധ്യക്ഷത വഹിച്ചു.ഗ്രാമപഞ്ചായത്ത് ആരോഗ്യകാര്യ സ്റ്റാറ്റിംഗ് കമ്മിറ്റി ചെയര്‍മാന്‍ സി കെ പ്രകാശൻ സ്വാഗതം പറഞ്ഞു.മെമ്പർമാരായ അദ്രു , അബ്ദുൽ സലാം,വിനീത ,തസ്‌നീം , നിമ്‌ന,ചന്ദ്രമതി,ഐആര്‍ടിസി കോർഡിനേറ്റർ ,ഹരിത സേന അംഗങ്ങൾ എന്നിവർ പങ്കെടുത്ത പരിപാടിയിൽ ഗ്രാമപഞ്ചായത്ത് ക്ഷേമകാര്യ സ്റ്റാൻഡിംഗ് ചെയർപേഴ്സൺ ഷഹന നാസർ നന്ദി പറഞ്ഞു
