സംസ്ഥാനത്ത് ജൂണ് 5 മുതല് 9 വരെ അധിക നിയന്ത്രണങ്ങള്; വ്യാപാര സ്ഥാപനങ്ങളുടെ പ്രവർത്തന സമയ ക്രമങ്ങളിലും മാറ്റം
സംസ്ഥാനത്ത് കോവിഡ് ടെസ്റ്റ് പോസിറ്റിവിറ്റി നിരക്ക് കുറയ്ക്കാന് അധിക നിയന്ത്രണങ്ങള് ഏര്പ്പെടുത്തുന്നു; പുതിയ നിയന്ത്രണങ്ങളും തീരുമാനങ്ങളും മുന്നറിയിപ്പുകളും ഇങ്ങിനെ;
???? നിലവില് പ്രവര്ത്തനാനുമതിയുള്ള വിപണന സ്ഥാപനങ്ങള് ജൂണ് 4 ന് രാവിലെ 9 മുതല് വൈകുന്നേരം 7 വരെ പ്രവര്ത്തിക്കാം.
???? ജൂണ് 5 മുതല് ജൂണ് 9 വരെ ഇവയ്ക്ക് പ്രവര്ത്തനാനുമതി ഉണ്ടാവില്ല.
???? അവശ്യ വസ്തുക്കളുടെ കടകള്, വ്യവസായ സ്ഥാപനങ്ങള്ക്ക് ആവശ്യമായ അസംസ്കൃത വസ്തുക്കളും മറ്റും (പാക്കേജിംഗ് ഉള്പ്പെടെ) വില്ക്കുന്ന സ്ഥാപനങ്ങള്, നിര്മ്മാണസാമഗ്രികള് വില്ക്കുന്ന കടകള് എന്നിവക്കു മാത്രമേ ജൂണ് 5 മതുല് 9 വരെ പ്രവര്ത്തനാനുമതി ഉണ്ടാവുകയുള്ളു.
???? ജൂണ് 4 ന് പാഴ് വസ്തുവ്യാപാര സ്ഥാപനങ്ങള് തുറക്കാം.
???? സര്ക്കാര്, അര്ദ്ധസര്ക്കാര് സ്ഥാപനങ്ങള്, പൊതുമേഖലാസ്ഥാപനങ്ങള്, കോര്പ്പറേഷനുകള്, കമ്മീഷനുകള് തുടങ്ങിയവ 50 ശതമാനം ഉദ്യോഗസ്ഥരെ ഉള്പ്പെടുത്തി ജൂണ് 10 മുതലാണ് പ്രവര്ത്തിക്കുക. (നേരത്തെ ഇത് ജൂണ് 7 എന്നായിരുന്നു നിശ്ചയിച്ചത്.)
???? സംസ്ഥാനത്തിന് അകത്തു യാത്രാനുമതിയുള്ള ആളുകള് (ഡെലിവറി ഏജന്റുമാര് ഉള്പ്പെടെ) കോവിഡ് നെഗറ്റീവ് സര്ട്ടിഫിക്കറ്റ് കരുതേണ്ട ആവശ്യമില്ല. സംസ്ഥാനത്തിന് പുറത്തു നിന്ന് വരുന്നവര് മാത്രം അത്തരം സര്ട്ടിഫിക്കറ്റുകള് കരുതിയാല് മതി.
???? കോവിഡ് മരണങ്ങള് നിലവില് സംസ്ഥാനതലത്തിലാണ് സ്ഥിരീകരിക്കുന്നത്. അത് ജില്ലാതലത്തിലാക്കുന്നത് ആലോചിക്കും. ഏത് കാറ്റഗറിയിലുള്ള മരണമാണെന്ന് കൃത്യമായ മാനദണ്ഡം ഡോക്ടര്മാര് നിശ്ചയിക്കണം.
???? മൂന്നാം തരംഗമുണ്ടാവുകയാണെങ്കില് നേരിടാനുള്ള നടപടികള് ആരംഭിച്ചു. സാധാരണ നിലയിലുള്ള ജാഗ്രത തുടരണം. ആള്ക്കൂട്ടം ഇല്ലാതിരിക്കാന് ശ്രദ്ധിക്കണം.
???? അതിഥി തൊഴിലാളികളെ മുഴുവന് വാക്സിനേറ്റ് ചെയ്യും. അവരെ ഇടക്കിടെ പരിശോധിക്കാനുള്ള സംവിധാവും ഒരുക്കും.
???? മറ്റു സംസ്ഥാനങ്ങളുമായി അതിര്ത്തി പങ്കിടുന്ന പഞ്ചായത്തുകളിലെ മുഴുവന് പേരേയും വാക്സിനേറ്റ് ചെയ്യും. രോഗ ലക്ഷണങ്ങളില് വരുന്ന മാറ്റം നിരീക്ഷിക്കും. ജനിതക പഠനവും നടത്തും.
???? പ്രായമായ റബ്ബര് മരങ്ങള് മുറിച്ചു നീക്കുന്നതിനും പുതിയ റബ്ബര് തൈകള് വച്ചുപിടിപ്പിക്കുന്നതിനും അനുമതി നല്കും.
???? മാലിന്യം നീക്കം ചെയ്യുന്ന തൊഴിലാളികള്ക്കും പ്രവർത്തനാനുമതി നല്കും.
???? ഫ്ളാറ്റുകളില് കോവിഡ് പോസിറ്റീവ് ശ്രദ്ധയില്പ്പെട്ടാല് മുന്നറിയിപ്പ് നല്കണം. ഏത് ഫ്ളാറ്റിലാണ് രോഗബാധയുള്ളതെന്ന് നോട്ടീസ് ബോര്ഡിലൂടെ അറിയിക്കണം. ആരോഗ്യ കേന്ദ്രങ്ങളിലും പോലീസ് സ്റ്റേഷനുകളിലും നഗരസഭ/പഞ്ചായത്ത് അധികൃതരെയും വിവരമറിയിക്കണം. ഈ ചുമതലകൾ അതത് ഫ്ളാറ്റുകളിലെ റസിഡന്സ് അസോസിയേഷനുകള് നിര്ബന്ധമായും ഏറ്റെടുത്ത് നിറവേറ്റണം. ഫ്ളാറ്റുകളിലെ ലിഫ്റ്റ് ദിവേസന മൂന്നു തവണയെങ്കിലും സാനിറ്റൈസ് ചെയ്യണം.
