സംഘർഷം: പൊ​ന്നാ​നിയിൽ ആഴക്കടലിലെ അനധികൃത മത്സ്യബന്ധനം തടയാനൊരുങ്ങി അധികൃതർ
കഴിഞ്ഞ ദിവസം പൊന്നാനി ഹാർബറിലുണ്ടായ സംഘർഷത്തെത്തുടർന്നാണ് തീരുമാനം

പൊ​ന്നാ​നി: ആ​ഴ​ക്ക​ട​ലി​ൽ ഇ​ര​ട്ട ബോ​ട്ടു​ക​ളി​ൽ വ​ല​വി​രി​ച്ച് കൂ​ട്ട​ത്തോ​ടെ​യു​ള്ള അ​ന​ധി​കൃ​ത മീ​ൻ​പി​ടി​ത്തം ത​ട​യാ​നു​ള്ള നീ​ക്ക​ങ്ങ​ളു​മാ​യി ഫി​ഷ​റീ​സ് വ​കു​പ്പും കോ​സ്​​റ്റ​ൽ പൊ​ലീ​സും. ക​ഴി​ഞ്ഞ ദി​വ​സം പൊ​ന്നാ​നി ഹാ​ർ​ബ​റി​ലു​ണ്ടാ​യ സം​ഘ​ർ​ഷ​ത്തെ​ത്തു​ട​ർ​ന്നാ​ണ് തീ​രു​മാ​നം. സം​ഘ​ർ​ഷ​ത്തിെൻറ പ​ശ്ചാ​ത്ത​ല​ത്തി​ൽ ഹാ​ർ​ബ​റി​ൽ സ്ഥി​രം പൊ​ലീ​സ് കാ​വ​ൽ ഏ​ർ​പ്പെ​ടു​ത്തി. ഹാ​ർ​ബ​റി​ലും ലേ​ല ഹാ​ളി​ലും പു​തി​യ സി.​സി.​ടി.​വി കാ​മ​റ​ക​ൾ സ്ഥാ​പി​ക്കാ​നും തീ​രു​മാ​ന​മാ​യി.

സം​ഘ​ഷ​ത്തെ​ത്തു​ട​ർ​ന്ന് പൊ​ന്നാ​നി പൊ​ലീ​സ് സ്‌​റ്റേ​ഷ​നി​ൽ ഡി​വൈ.​എ​സ്.​പി​യു​ടെ സാ​ന്നി​ധ്യ​ത്തി​ൽ സ​ർ​വ​ക​ക്ഷി യോ​ഗം വി​ളി​ച്ചി​രു​ന്നു. ഇ​ര​ട്ട വ​ല ഉ​പ​യോ​ഗി​ച്ച് ര​ണ്ട് ബോ​ട്ടു​ക​ൾ ചേ​ർ​ന്നു​ള്ള മ​ത്സ്യ​ബ​ന്ധ​ന​ത്തെ എ​തി​ർ​ത്ത​തി​നെ​ത്തു​ട​ർ​ന്നു​ണ്ടാ​യ പ്ര​ശ്ന​ങ്ങ​ളാ​ണ് സം​ഘ​ർ​ഷ​ത്തി​ൽ ക​ലാ​ശി​ച്ച​ത്. ഇ​ത്ത​രം മ​ത്സ്യ​ബ​ന്ധ​നം മൂ​ലം വ​ള്ള​ക്കാ​ർ​ക്ക് കാ​ര്യ​മാ​യി മീ​ൻ ല​ഭി​ക്കു​ന്നി​ല്ലെ​ന്നാ​ണ് പ​രാ​തി. ഇ​ത് പ​ല​പ്പോ​ഴും, ബോ​ട്ടി​ലെ തൊ​ഴി​ലാ​ളി​ക​ളും വ​ള്ള​ത്തി​ലെ തൊ​ഴി​ലാ​ളി​ക​ളും ത​മ്മി​ലു​ള്ള വാ​ക്കേ​റ്റ​ങ്ങ​ൾ​ക്ക് ഇ​ട​യാ​ക്കാ​റു​ണ്ട്.

ഇ​ത്ത​ര​ത്തി​ൽ നി​ര​വ​ധി ബോ​ട്ടു​ക​ളാ​ണ് കൂ​ട്ടം​ചേ​ർ​ന്ന് ഇ​ര​ട്ട വ​ല​യി​ട്ട് മീ​ൻ പി​ടി​ക്കു​ന്ന​തെ​ന്നാ​ണ് വ​ള്ള​ക്കാ​ർ പ​രാ​തി​പ്പെ​ടു​ന്ന​ത്. പ​ല​പ്പോ​ഴും വ​ള്ള​ത്തി​ലെ തൊ​ഴി​ലാ​ളി​ക​ൾ മ​നഃ​പൂ​ർ​വം പ്ര​ശ്ന​ങ്ങ​ൾ സൃ​ഷ്​​ടി​ക്കു​ക​യാ​ണെ​ന്നാ​ണ് ബോ​ട്ടി​ലെ തൊ​ഴി​ലാ​ളി​ക​ളും പ​റ​യു​ന്ന​ത്. ഇ​തി​നാ​ലാ​ണ് ക​ട​ലി​ൽ നി​രീ​ക്ഷ​ണം ശ​ക്ത​മാ​ക്കാ​ൻ അ​ധി​കൃ​ത​ർ ഒ​രു​ങ്ങു​ന്ന​ത്.

Edappal News