KERALA
ലോക്ഡൗണ് മാനദണ്ഡങ്ങള് ലംഘിച്ച് സീരിയൽ ഷൂട്ടിങ്
ലോക്ഡൗണ് മാനദണ്ഡങ്ങള് ലംഘിച്ച് സീരിയൽ ഷൂട്ടിങ്
സീതാ കല്യാണം സീരിയലിന്റെ താരങ്ങളും അണിയറ പ്രവര്ത്തകരും അറസ്റ്റില്
തിരുവനന്തപുരം:ഏഷ്യാനെറ്റ് പ്രേക്ഷകരുടെ ഇഷ്ടപരമ്പരയായ സീതാകല്ല്യാണം ഷൂട്ടിങ് അതീവ രഹസ്യമായി നടന്നു. വര്ക്കലയിലെ റിസോര്ട്ടിലായിരുന്നു രഹസ്യ ഷൂട്ടിങ്.
ലോക്ഡൗണ് മാനദണ്ഡങ്ങള് ലംഘിച്ച് ഷൂട്ടിങ് നടത്തിയതിന് താരങ്ങളേയും അണിയറ പ്രവര്ത്തകരേയും പൊലീസ് അറസ്റ്റ് ചെയ്തു. അയിരൂര് പൊലീസ് ഈ റിസോര്ട്ട് സീല് ചെയ്യുകയും ചെയ്തു.
കോവിഡ് മാനദണ്ഡങ്ങളില് സീരിയല് ഷൂട്ടിംഗിനും വിലക്കുണ്ട്. എന്നിട്ടും അതീവ രഹസ്യമായി ഷൂട്ടിങ് തുടരുകയായിരുന്നു. ഈ സാഹചര്യത്തിലാണ് റിസോര്ട്ടില് പൊലീസ് ഇടപെട്ടത്.
ഇതോടെ സീരിയല് പ്രതിസന്ധിയിലായി. ഏഷ്യാനെറ്റിലെ ബിഗ് ബോസ് ഹൗസിലെ ഷൂട്ടിംഗ് ചെന്നൈയില് നടന്നപ്പോള് പൊലീസ് എത്തിയാണ് ഹൗസ് പൂട്ടിയത്.
