ഒരുമയുടെ നിറവിൽ ഫന്റാസ്റ്റിക് തലമുണ്ട വനിതാ സംഗമം
എടപ്പാൾ: പരസ്പര സൗഹൃദവും സഹകരണവും ഊട്ടിയുറപ്പിക്കുന്നതിനും വനിതകളെയും കുട്ടികളെയും കൂടുതൽ അടുപ്പിക്കുന്നതിനുമായി ഫന്റാസ്റ്റിക് തലമുണ്ട ലേഡീസ് വിംഗിന്റെ നേതൃത്വ്ത്തിൽ സൗഹൃദ സംഗമവും വിവിധ വിനോദ പരിപാടികളും സംഘടിപ്പിച്ചു. തലമുണ്ടയിൽ നടന്ന പരിപാടിയിൽ വനിതകളും കുട്ടികളും ആവേശപൂർവം പങ്കെടുത്തു.കുടുംബാന്തരീക്ഷത്തിൽ പരസ്പരം അടുത്തറിയുന്നതിനും പുതിയ സൗഹൃദങ്ങൾ രൂപപ്പെടുത്തുന്നതിനും കൂട്ടായ്മയുടെ പ്രവർത്തനങ്ങൾ കൂടുതൽ സജീവമാക്കുന്നതിനും ലക്ഷ്യമിട്ടായിരുന്നു സംഗമം.
ദൈനംദിന തിരക്കുകളിൽ നിന്ന് മാറി ഒരുമിച്ച് സമയം ചെലവഴിക്കാനും സന്തോഷം പങ്കുവെക്കാനും അവസരമൊരുക്കിയ പരിപാടി പങ്കെടുത്തവർക്ക് വേറിട്ട അനുഭവമായി.വനിതകൾക്കും കുട്ടികൾക്കുമായി വിവിധ ഗെയിമുകളും രസകരമായ മത്സരങ്ങളും സംഘടിപ്പിച്ചു. പ്രായഭേദമന്യേ എല്ലാവരെയും പങ്കെടുപ്പിച്ചുകൊണ്ടുള്ള പരിപാടികൾ ചിരിയും ആവേശവും നിറഞ്ഞ അന്തരീക്ഷം സൃഷ്ടിച്ചു. കുട്ടികളുടെ സജീവ പങ്കാളിത്തവും വനിതകളുടെ ആവേശകരമായ ഇടപെടലും പരിപാടിയുടെ പ്രധാന ആകർഷണമായി.
ഫന്റാസ്റ്റിക് തലമുണ്ട വനിതാ വിംഗ് പ്രസിഡന്റ് മുനീറ സക്കീർ ഹുസൈൻ പരിപാടി ഉദ്ഘാടനം ചെയ്തു. കൂട്ടായ്മയുടെ ലക്ഷ്യങ്ങളും പ്രവർത്തനങ്ങളും കൂടുതൽ ശക്തിപ്പെടുത്തേണ്ടതിന്റെ ആവശ്യകതയെക്കുറിച്ച് ഉദ്ഘാടന പ്രസംഗത്തിൽ അവർ സംസാരിച്ചു.ഹഫ്സത്ത് നൗഫൽ,റൈഹാന നിസാർ ,അനീഷ സിദ്ധീഖ്,എന്നിവർ ആശംസകളും അഭിപ്രായങ്ങളും പങ്കുവെച്ച് സംസാരിച്ചു. പരിപാടിയുടെ വിജയകരമായ നടത്തിപ്പിന് ജനീഷ, ഷബ്ന ഷാഫി,ഷമീല ശറഫു,റൈഹാന അഷ്റഫ്, തസ്കീൻ ഫൈസൽ,ആയിഷ, റനീഷ,ഹസീന,ഫാരിഹ,എന്നിവർ ഏകോപനം നിർവഹിച്ചു.സൗഹൃദവും കൂട്ടായ്മയും കൂടുതൽ ശക്തിപ്പെടുത്തുന്നതിനൊപ്പം ഭാവിയിൽ കൂടുതൽ വൈവിധ്യമാർന്ന സാമൂഹിക, സാംസ്കാരിക, വിനോദ പരിപാടികൾ സംഘടിപ്പിക്കാനും കൂട്ടായ്മ ലക്ഷ്യമിടുന്നു. പരിപാടിയിൽ പങ്കെടുത്ത എല്ലാവർക്കും ശബീറ ഹഫ്സത്ത് സ്വാഗതവും, ഫാത്തിമ റൗഫ് നന്ദിയും രേഖപ്പെടുത്തി.
