വേടനുയര്‍ത്തുന്ന രാഷ്‌ട്രീയം സംഘ്പരിവാരങ്ങളെ ചൊടിപ്പിക്കുന്നത്.പി ഡി പി
കോട്ടക്കൽ: രാജ്യത്തെ പീഢിതരും പിന്നോക്കക്കാരുമായി പാര്‍ശ്വവല്‍ക്കരിക്കപ്പെട്ട ജനങ്ങളുടെ ഉയര്‍ത്തെഴുന്നേല്പിന് പ്രചോദനമാകുന്ന രാഷ്ട്രീയ സന്ദേശം വേടനുയര്‍ത്തുമ്പോള്‍ അത് സംഘ്പരിവാരത്തെ ചൊടിപ്പിക്കുന്നത് സവര്‍ണ്ണ വരേണ്യ ഹിന്ദുത്വ അജണ്ടകളും വംശീയ ഉന്മൂലന സിദ്ധാന്തത്തിന്റെ ഭാഗവുമാണെന്ന് പി.ഡി.പി.വൈസ്ചെയര്‍മാന്‍ ശശി പൂവഞ്ചിന അഭിപ്രായപ്പെട്ടു. ദലിത് -പിന്നോക്ക – ന്യൂനപക്ഷ ജനവിഭാഗങ്ങള്‍ക്ക് സാമൂഹിക നീതി ആവശ്യപ്പെട്ട് അബ്ദുന്നാസിര്‍ മഅ്ദനി രാഷ്ട്രീയ ആശയ പ്രചാരണം ആരംഭിച്ച ഘട്ടം മുതല്‍ അദ്ദേഹത്തെ വേട്ടയാടിയത് ഇന്ത്യന്‍ രാഷ്ട്രീയ ചരിത്രത്തിന്റെ ഭാഗമായിട്ടുണ്ട്. ഫാസിസത്തേയും സംഘ്പരിവാരത്തേയും ഭരണകൂടത്തേയും ആശയപരമായി നേരിടുന്നവര്‍ക്ക് വലിയ പ്രതിസന്ധിയെ അഭിമുഖീകരിക്കേണ്ടി വരുമെങ്കിലും സമൂഹം അവരെ പിന്തുണക്കുമെന്നും ആശയം കൂടുതല്‍ പ്രായോഗികവല്‍ക്കരിക്കപ്പെടുമെന്നതും തീര്‍ച്ചയാണ്.
തദ്ദേശ തെരഞ്ഞെടുപ്പ് മുന്നൊരുക്ക പ്രവര്‍ത്തനങ്ങളുടെ ഭാഗമായി പി.ഡി.പി.ജില്ലാ കമ്മിറ്റി സംഘടിപ്പിച്ച പ്രതിനിധി സംഗമം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
ജില്ലാ പ്രസിഡൻ്റ് സലാം മുന്നിയൂർ അദ്ധ്യക്ഷത വഹിച്ചു
സംസ്ഥാന ജനറൽ സെക്രട്ടറി വി.എം അലിയാർ മുഖ്യ പ്രഭാഷണം നടത്തി, വൈസ് ചെയർമാൻ സിയാവുദ്ധീൻ തങ്ങൾ,
സംസ്ഥാന ട്രഷറർ ഇബ്രാഹീ തിരുരങ്ങാടി, ജനറൽ സെക്രട്ടറി ജാഫർ അലി ദാരിമി, സെക്രട്ടറിയേറ്റ് അംഗങ്ങളായ സക്കീർ പരപ്പനങ്ങാടി, ഹുസൈൻ കാടാമ്പുഴ, ജില്ലാ നേതാക്കളായ ഹബീബ് കാവനൂർ, ഹസ്സൻ കുട്ടി പുതുവള്ളി, അയ്യപ്പൻ എ ആർ നഗർ, ഷംലിക് കടകശ്ശേരി, അബ്ദുൽബാരിർശാദ്, വിമൺസ് ഇന്ത്യാ മൂവ്മെൻ്റ് സംസ്ഥാന സെക്രട്ടറിമാരായ സൈനബ ഫൈസൽ, സുലൈഖ മുസ്ഥഫ, തുടങ്ങിയവർ സംസാരിച്ചു
നിസാം കാളമ്പാടി പ്രതിജ്ഞ ചൊല്ലിക്കൊടുത്തു
ജില്ലാ സെക്രട്ടറി ഷാഹിർ മൊറയൂർ സ്വാഗതവും മുസ്ഥഫ കെ.ടി. നന്ദിയും പറഞ്ഞു.
