KERALA
സ്പെഷ്യൽ ട്രെയിൻ സർവീസുമായി കൊച്ചി മെട്രോ; മാർച്ച് ഒന്നിനും രണ്ടിനും പ്രത്യേക സർവീസുകൾ
കൊച്ചി: ശിവരാത്രി പ്രമാണിച്ച് സ്പെഷ്യൽ ട്രെയിൻ സർവീസുമായി കൊച്ചി മെട്രോ. മാർച്ച് ഒന്നിന് രാത്രിയും രണ്ടിന് രാവിലെയുമാണ് പ്രത്യേക സർവീസുകൾ. മാർച്ച് ഒന്നിന് പേട്ടയിൽ നിന്ന് രാത്രി 11 മണിവരെ സർവീസ് ഉണ്ടാകും. രണ്ടാം തിയതി പുലർച്ചെ 4.30 ന് പേട്ടയിലേക്കുള്ള സർവീസ് ആലുവ സ്റ്റേഷനിൽ നിന്ന് ആരംഭിക്കും. പിന്നീട് 30 മിനിറ്റ് ഇടവിട്ട് ആലുവയിൽ നിന്ന് പേട്ടയ്ക്ക് ട്രെയിൻ സർവീസ് ഉണ്ടാകും. ആലുവ മെട്രോ സ്റ്റേഷന് തൊട്ടടുത്തുള്ള മഹാദേവ ക്ഷേത്രത്തിൽ ശിവരാത്രി ദിനത്തിൽ എത്തുന്നവർക്ക് വന്ന് പോകാനുള്ള സൗകര്യത്തിനാണ് കൊച്ചി മെട്രോ പ്രത്യേക സർവീസ് ഏർപ്പെടുത്തുന്നത്.
