സോഷ്യൽ മീഡിയയുടെ അതിപ്രസരത്തിനെതിരെ ബോധവൽക്കരണവുമായി അസ്സാബാഹ് കോളേജ്
ചങ്ങരംകുളം : അസ്സാബാഹ് ആർട്സ് ആൻഡ് സയൻസ് കോളേജ് പി.ജി ഡിപ്പാർട്ട്മെന്റ് ഓഫ് ഇംഗ്ലീഷ്, കോക്കൂർ ജി.എച്ച്.എസ്സുമായി സഹകരിച്ച് ‘ആനന്ദ ജീവിതം’ എന്ന പേരിൽ ഹൈസ്കൂൾ വിദ്യാർത്ഥികൾക്കായി ബോധവൽക്കരണ പരിപാടി സംഘടിപ്പിച്ചു.
ബോധവൽക്കരണ പരിപാടി ഇംഗ്ലീഷ് ഡിപ്പാർട്മെന്റ് ഹെഡ് ഡോ :ഹരികൃഷ്ണൻ.കെ ഉദ്ഘടാനം ചെയ്തു. കോക്കൂർ ഹൈസ്കൂൾ ഹെഡ് ടീച്ചർ റീജ, അധ്യാപകനായ അബ്ദുൽ റഹ്മാൻ.പി , വിദ്യാർത്ഥികളായ ഷഫ്ന,കൃഷ്ണപ്രിയ തുടങ്ങിയവർ സംസാരിച്ചു
2025 ഡിസംബർ 5 വെള്ളിയാഴ്ച കൊക്കൂർ ഗവൺമെന്റ് ഹൈസ്കൂളിൽ വെച്ചാണ് പരിപാടി നടന്നത്. നവമാധ്യമങ്ങളുടെ അമിത ഉപയോഗവും അത് വിദ്യാർത്ഥികളിലും യുവജനങ്ങളിലും സൃഷ്ടിക്കുന്ന മാനസിക, ശാരീരിക പ്രശ്നങ്ങളെക്കുറിച്ചും അവബോധം നൽകുക എന്നതായിരുന്നു പരിപാടിയുടെ പ്രധാന ലക്ഷ്യം.
ഇതിന്റെ ഭാഗമായി പ്രത്യേക ബോധവൽക്കരണ ക്ലാസുകളും , വിദ്യാർത്ഥികളുമായി സംവദിക്കുന്ന ഇന്ററാക്ടീവ് സെഷനുകളും നടന്നു. സോഷ്യൽ മീഡിയ ഒരു ലഹരിയായി മാറുന്ന വർത്തമാനകാല സാഹചര്യത്തിൽ, സ്ക്രീനുകൾക്ക് പുറത്തുള്ള യഥാർത്ഥ ജീവിതത്തിലെ ആനന്ദം കണ്ടെത്താൻ വിദ്യാർത്ഥികളെ പ്രേരിപ്പിക്കുക എന്ന സന്ദേശമാണ് ‘ആനന്ദ ജീവിതം’ എന്ന പരിപാടിയിലൂടെ അധികൃതർ നൽകിയത്.
