ആലംകോട് ഗ്രാമപഞ്ചായത്ത് അതി ദരിദ്രർക്കുള്ള കിറ്റ് വിതരണം ചെയ്തു

ചങ്ങരംകുളം: ആലംകോട് ഗ്രാമപഞ്ചായത്ത് അതി ദരിദ്രർക്കുള്ള കിറ്റ് വിതരണം ചെയ്തു. 2022-23 വർഷത്തെ വാർഷിക പദ്ധതിയിൽ ഉൾപ്പെടുത്തിയാണ് കിറ്റ് വിതരണം ചെയ്തത്. പഞ്ചായത്ത് ഹാളിൽ നടന്ന പരിപാടി ആലംകോട് ഗ്രാമപഞ്ചായത്ത് പ്രസിഡന്റ് കെ.വി ഷഹീർ ഉദ്ഘാടനം ചെയ്തു. ആലംകോട് പഞ്ചായത്തിനകത്ത് അതി ദരിദ്രരെ നിർമ്മാർജനം ചെയ്യുക എന്ന ലക്ഷ്യത്തോടെയാണ് ഈ പദ്ധതി കൊണ്ട് വന്നിട്ടുള്ളതെന്ന് പ്രസിഡന്റ് പറഞ്ഞു.

വികസന സ്റ്റാന്റിങ് കമ്മിറ്റി ചെയർമാൻ മുഹമ്മദ്‌ ഷരീഫ് അധ്യക്ഷത വഹിച്ച പരിപാടിയിൽ ആരോഗ്യ വിദ്യാഭ്യാസ സ്റ്റാന്റിങ് കമ്മിറ്റി ചെയർമാൻ സി കെ പ്രകാശൻ, വാർഡ്‌ മെമ്പർ ശശി പൂക്കേപ്പുറത്ത്, പഞ്ചായത്ത് അസിസ്റ്റന്റ് സെക്രട്ടറി സുരേഷ് എന്നിവർ സംസാരിച്ചു. ഉപഭോക്താവിന് വേണ്ടി വാർഡ് മെമ്പർ  ശശി പൂക്കേപ്പുറത്ത് കിറ്റ് ഏറ്റുവാങ്ങി.

Edappal News