PONNANI
പൊന്നാനിയിൽ 500 കിലോയുള്ള കട്ടക്കൊമ്പൻ വലയിൽ;കരയിൽ എത്തിച്ചത് കെട്ടിവലിച്ച്
പൊന്നാനിയിൽ 500 കിലോയുള്ള കട്ടക്കൊമ്പൻ മത്സ്യം വലയിലായി.പൊന്നാനിയിൽ നിന്ന് ഒഴുക്കുവല മത്സ്യബന്ധനത്തിനിറങ്ങിയ ഫൈബർ വള്ളത്തിനാണ് 500 കിലോയോളമുള്ള വലിയ കട്ടക്കൊമ്പൻ ലഭിച്ചത്.ഭാരക്കൂടുതൽ കാരണം വള്ളത്തിന് പിന്നിൽ കെട്ടിവലിച്ചാണ് കരയിലെത്തിച്ചത്.ഇത്രയും തൂക്കമേറിയ കട്ടക്കൊമ്പനെ ആദ്യമായാണ് ലഭിക്കുന്നതെന്ന് തൊഴിലാളികൾ പറഞ്ഞു. രണ്ട് മാസം മുമ്പ് ഈയിനത്തിൽപെട്ട 160 കിലോ വരുന്ന മത്സ്യം ലഭിച്ചിരുന്നു. കടൽ പ്രക്ഷുബ്ധമാകുന്നതിനാൽ ആഴക്കടൽ മത്സ്യങ്ങൾക്ക് ഓക്സിജൻ ലഭിക്കാതെ വരാറുണ്ട്.കൊമ്പൻ അതിനായി ഉപരിതലത്തിലെത്തിയപ്പോഴാകും വലയിൽ കുരുങ്ങിയതെന്നാണ് നിഗമനം. നീണ്ടതും കുന്തത്തിൻറെ ആകൃതിയിലുള്ളതുമായ മുകളിലെ താടിയെല്ലും കട്ടിയുള്ള ചർമവുമാണ് ഇതിൻറെ പ്രത്യേകത.കേരളതീരത്ത് ഇത്തരം മത്സ്യങ്ങളുടെ എണ്ണം ഗണ്യമായി കുറഞ്ഞിട്ടുണ്ടെന്ന് പഠനങ്ങൾ പറയുന്നു
