നന്നംമുക്ക് ഗ്രാമപഞ്ചായത്ത് മന്ത് രോഗ നിർണ്ണയ രക്ത പരിശോധനാ ക്യാമ്പ് സംഘടിപ്പിച്ചു
May 26, 2023
ചങ്ങരംകുളം:നന്നംമുക്ക് ഗ്രാമപഞ്ചായത്തിൻ്റെയും നന്നംമുക്ക് പ്രാഥമിക ആരോഗ്യ കേന്ദ്രത്തിൻ്റെയും സംയുക്ത ആഭിമുഖ്യത്തിൽ മന്ത് രോഗ നിർണ്ണയ രക്ത പരിശോധനാ ക്യാമ്പ് സംഘടിപ്പിച്ചു.നന്നംമുക്ക് പ്രാഥമിക ആരോഗ്യ കേന്ദ്രത്തിൽ വെച്ച് നടന്ന ക്യാമ്പ് ഗ്രാമ പഞ്ചായത്ത് പ്രസിഡണ്ട് മിസ്രിയ സൈഫുദ്ദീൻ ഉദ്ഘാടനം ചെയ്തു. ചടങ്ങിൽ പതിമൂന്നാം വാർഡ് മെമ്പർ സബിത വിനയകുമാർ അധ്യക്ഷത വഹിച്ചു. ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ രാഗി രമേശ്, വൈസ് പ്രസിഡണ്ട് പ്രവീൺ ഓ. പി, മാറഞ്ചേരി ബ്ലോക്ക് ഹെൽത്ത് സൂപ്പർവൈസർ രമേശ്, ഹെൽത്ത് ഇൻസ്പെക്ടർ വിനോദ് കെ എന്നിവർ ആശംസകൾ അർപ്പിച്ചു. മാറഞ്ചേരി ബ്ലോക്കിലെ ആരോഗ്യ പ്രവർത്തകർ, ആശാവർക്കർമാർ, സന്നദ്ധ പ്രവർത്തകർ തുടങ്ങിയവർ ചടങ്ങിൽ പങ്കെടുത്തു.
