ഇരുവൃക്കകളും തകരാറിലായ സ്വകാര്യ ബസ് ഡ്രൈവറുടെ ചികിത്സ ധന സമാഹാരണത്തിനായി ബിരിയാണി ചലഞ്ച് സംഘടിപ്പിച്ചു
എടപ്പാൾ : ഇരു വൃക്കകളും നഷ്ടമായ എടപ്പാൾ പൂക്കരത്തറ സ്വദേശി പ്രമോദിന്റെ ചികിത്സ ധന സമാഹാരണത്തിനായുള്ള ബിരിയാണി ചലഞ്ച് കാളാച്ചാൽ ഓഡിറ്റോറിയത്തിൽ വെച്ച് നടന്നു.
ടി പി പ്രമോദ് ചികിത്സ കമ്മറ്റിയും പ്രദേശത്തെ വിവിധ ക്ലബ് കളുമാണ് ചലഞ്ച് സംഘടിപ്പിച്ചത്. ഏകദേശം ആറു ലക്ഷത്തോളം തുക ചലഞ്ചിലൂടെ ലഭിക്കുമെന്നാണ് പ്രതീക്ഷിക്കുന്നത്, ഇതിൽ നിന്ന് ചിലവ് കഴിച്ച് ബാക്കി തുക ചികിത്സാസഹായ ത്തിലേക്ക് കൈമാറും.
ടിപി പ്രമോദ് ചികിത്സ കമ്മിറ്റിയിലെ അംഗങ്ങളും, പ്രദേശത്തെ വിവിധ ക്ലബ്ബുകളിൽനിന്നുള്ള നൂറ്റി അമ്പതോളം മെമ്പർമാരുടെ മൂന്നാഴ്ചയോളം ആയുള്ള പരിശ്രമത്തിന് ഫലമായാണ് ഇന്ന് ബിരിയാണി ചലഞ്ച് നടന്നത്. റണ്ണേഴ്സ് പൂക്കരത്തറ, കാസ്ക് കോലളമ്പ്,പാസ്ക് പൂക്കരത്തറ, ബ്ലൂ ബേർഡ് വലിയാട്, യുവതാര പൊൻകുന്ന്,വോയിസ് ഓഫ് കോലളമ്പ്, വിക്ടറി പൊൻകുന്ന്, എന്നി ക്ലബ്ബുകളിൽ ഉള്ളവരും ടിപി പ്രമോദ് ചികിത്സ സഹായ കമ്മിറ്റി ഭാരവാഹികളും പരിപാടിയിൽ പങ്കെടുത്തു.കമ്മറ്റി ചെയർമാനും വാർഡ് മെമ്പറുമായ ആഷിഫ് പൂക്കരത്തറ കൺവീനർ കുമാരൻ അരിയാടത്ത്, മുഹമ്മദാലി ഹാജി റഫീഖ്,സയ്ദ് പൂക്കരത്തറ,ജയരാജൻ,ഷബീർ, പരമൻ എന്നിവർ പരിപാടിക്ക് നേതൃത്വം നൽകി.
