വീട്ടമ്മയുടെ നഗ്നദൃശ്യം പ്രചരിപ്പിച്ച കേസ്; ഫേസ്ബുക്ക് അക്കൌണ്ട് ഉടമകളും പ്രതികളാകും.
തിരുവനന്തപുരത്തെ ഹണി ട്രാപ്പ് കേസില് വീട്ടമ്മയുടെ മോര്ഫ് ചെയ്ത നഗ്നചിത്രം പ്രചരിപ്പിച്ച ഫെയ്സ്ബുക്ക് അക്കൗണ്ട് ഉടമകളും പ്രതികളാകും. ഇന്നലെ പിടിയിലായ കാഞ്ഞിരംപ്പാറ സ്വദേശി സൗമ്യയെ സഹായിച്ചവരെയാണ് പ്രതി ചേര്ക്കുന്നത്. ഹണി ട്രാപ്പ് വഴി കുരുക്കിയ യുവാക്കളുടെ അക്കൗണ്ടില് നിന്നാണ് വീട്ടമ്മയുടെ നഗ്ന ചിത്രം പ്രചരിപ്പിച്ചത്. 50 ലേറെ അക്കൗണ്ടുകളുണ്ടെന്ന് പൊലീസ് പറഞ്ഞു. അതേസമയം സൗമ്യയെ സൈബര് പൊലീസ് കസ്റ്റഡിയില് വാങ്ങും.
യുവാക്കളുടെ ഫേസ്ബുക്ക്, വാട്സ് ആപ്പ് അക്കൗണ്ടുകള് വഴിയാണ് സൗമ്യ നഗ്നചിത്രങ്ങള് വ്യാപകമായി പ്രചരിപ്പിച്ചത്. നൂറിലധികം ഫേസ്ബുക്ക് ഇന്സ്റ്റഗ്രാം അക്കൗണ്ടുകള് വഴി ഒരു യുവതിയുടെ നഗ്നചിത്രം വ്യാപകമായി പ്രചരിച്ചിരുന്നു. യുവതിയുടെ വീട്ടുകാര് മുഖ്യമന്ത്രിക്ക് നല്കിയ പരാതിയില് അന്വേഷണം ഈ അക്കൗണ്ട് ഉടമകളിലേക്കെത്തി. യുവാക്കളിലേക്ക് അന്വേഷണമെത്തിയപ്പോഴാണ് സൗമ്യ ഒരുക്കിയ ഹണിട്രാപ്പിന്റെ ചുരുളഴിഞ്ഞത്.
മുന് സുഹൃത്തിന്റെ ദാമ്പത്യ ജീവിതം തകര്ക്കാനാണ് സൗമ്യ ഹണിട്രാപ്പ് കെണിയൊരുക്കിയത്. സുഹൃത്തിന്റെ ഭാര്യയുടെ മോര്ഫ് ചെയ്ത് നഗ്നചിത്രങ്ങള് ഉണ്ടാക്കി. ഇത് പ്രചരിപ്പിക്കാന് യുവാക്കളെ ഹണിട്രാപ്പ് വലവിരിച്ചു. ഫേസ്ബുക്ക് വഴി പരിചയപ്പെടുന്ന യുവാക്കളുമായുള്ള വീഡിയോ ചാറ്റില് നഗ്ന ദൃശ്യങ്ങള് കാണിക്കും. പിന്നീട് ഇവരുടെ ഫേസ്ബുക്ക് അക്കൗണ്ട് വിവരങ്ങളും മൊബൈല് നമ്പരുമടക്കം വാങ്ങും. യുവാക്കളുടെ പേരില് ഫേസ്ബുക്കിലും ഇന്സ്റ്റഗ്രാമിലും പുതിയ അക്കൗണ്ടുകളും, മൊബൈല് നമ്പരുപയോഗിച്ച് വാട്സ് ആപ്പും തുടങ്ങും. ഇവ വഴിയാണ് വീട്ടമയുടെ ഫോട്ടോ പ്രചരിപ്പിച്ചത്.
അന്വേഷണം ഉണ്ടായാലും യുവാക്കളിലേക്ക് മാത്രം എത്തുമെന്നായിരുന്നു കമ്പ്യൂട്ടര് വിദഗ്ദകൂടിയായ സൗമ്യ കണക്കൂട്ടിയത്. സൗമ്യക്ക് വ്യാജ അക്കൗണ്ടുകളുണ്ടാക്കന് സഹായിച്ച ഇടുക്കി സ്വദേശി നെബിനെ പൊലീസ് പിടികൂടിയിരുന്നു. നെബിനില് നിന്നാണ് സൗമ്യയെ കുറിച്ചുള്ള കൂടുതല് വിവരങ്ങള് സൈബര് പൊലീസിന് ലഭിച്ചത്. സൈബര് ഡിവൈഎസ്പി ശ്യാം ലാല്, ഇന്സ്പെക്ടര് സിജു കെ.എല് എന്നിവരുടെ നേതൃത്വത്തിലായിരുന്ന അന്വേഷണം.
