താനാളൂർ ചുങ്കത്ത് വീടിന്റെ വരാന്ത വൃത്തിയാക്കുന്നതിനിടെ വീട്ടമ്മയുടെ കഴുത്തിൽ കിടന്നിരുന്ന ഒന്നര പവന്റെ സ്വർണ്ണമാല മോഷ്ടാവ് പൊട്ടിച്ചെടുത്തു
മലപ്പുറം: താനാളൂർ ചുങ്കത്ത് വീടിന്റെ വരാന്ത വൃത്തിയാക്കുന്നതിനിടെ വീട്ടമ്മയുടെ കഴുത്തിൽ കിടന്നിരുന്ന ഒന്നര പവന്റെ സ്വർണ്ണമാല മോഷ്ടാവ് പൊട്ടിച്ചെടുത്ത് രക്ഷപ്പെട്ടു. താനാളൂർ ചുങ്കം നന്ദിനി പറമ്പിൽ ബാലകൃഷ്ണന്റെ ഭാര്യ സുശീലയുടെ (64) മാലയാണ് കവർന്നത്. വീടിന്റെ മുൻവശത്തെ കോലായി തൂത്തുവാരുന്ന സമയത്തായിരുന്നു ഈ അതിക്രമം.വീട്ടുപരിസരത്ത് നിരീക്ഷിച്ചുനിന്ന മോഷ്ടാവ് സുശീലയുടെ കഴുത്തിലുണ്ടായിരുന്ന മാല പെട്ടെന്ന് പിടിച്ചുപറിച്ച് ഓടിരക്ഷപ്പെടുകയായിരുന്നു.
ഇത് തടയാൻ വീട്ടമ്മ ശ്രമിച്ചെങ്കിലും നിമിഷങ്ങൾക്കകം മോഷ്ടാവ് ഓടിമറഞ്ഞു.ഈ സംഭവത്തിൽ വീട്ടമ്മയുടെ പരാതിയുടെ അടിസ്ഥാനത്തിൽ താനൂർ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്. പ്രദേശത്തെ സി.സി.ടി.വി. ദൃശ്യങ്ങൾ കേന്ദ്രീകരിച്ചും മുൻകാല കുറ്റവാളികളെ നിരീക്ഷിച്ചും പോലീസ് അന്വേഷണം ഊർജ്ജിതമാക്കിയിട്ടുണ്ട്. പകൽസമയത്ത് വീട്ടുപരിസരത്തുണ്ടായ ഈ കവർച്ച പ്രദേശവാസികളിൽ വലിയ ഭീതിയാണ് പരത്തിയിരിക്കുന്നത്
