എസ്ഐആര് : ജാഗ്രത പുലര്ത്താന് ആഹ്വാനം ചെയ്ത് ഖലീലുല് ബുഖാരി തങ്ങള്
തീവ്രവോട്ട് പരിഷ്കരണത്തില് ഏറെ ജാഗ്രത പുലര്ത്തണമെന്നും അര്ഹരായ ഒരാള് പോലും വോട്ടര് പട്ടികയില് നിന്ന് ഒഴിവാക്കപ്പെടാതിരിക്കാനുള്ള അതീവ ശ്രദ്ധ ഉണ്ടാവേണ്ടതുണ്ടെന്നും കേരള മുസ്ലിം ജമാഅത്ത് സംസ്ഥാന ജനറല് സെക്രട്ടറി സയ്യിദ് ഇബ്റാഹീമുല് ഖലീല് അല് ബുഖാരി പറഞ്ഞു. മഅദിന് അക്കാദമി സംഘടിപ്പിച്ച ആത്മീയ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
സമസ്ത ഉപാധ്യക്ഷന് സയ്യിദ് അലി ബാഫഖി തങ്ങള് അധ്യക്ഷത വഹിച്ചു.പരിപാടിയില് ശൈഖ് രിഫാഈ ആണ്ട് നേര്ച്ചയും സംഘടിപ്പിച്ചു. വിര്ദുല്ലത്വീഫ്, മുള്രിയ്യ, ഹദ്ദാദ് റാതീബ്, ഖുര്ആന് പാരായണം, തഹ്ലീല്, സ്വലാത്തുന്നാരിയ, മൗലിദ് പാരായണം, പ്രാര്ഥന എന്നിവ സംഘടിപ്പിച്ചു. പരിപാടിക്കെത്തിയ വിശ്വാസികള്ക്ക് അന്നദാനം നടത്തി.
സയ്യിദ് മുഹമ്മദ് ഫാറൂഖ് ജമലുല്ലൈലി, സയ്യിദ് സ്വാലിഹ് ഖാസിം അല് ഐദ്രൂസി, സയ്യിദ് അഹ്മദുല് കബീര് അല് ബുഖാരി, സയ്യിദ് നിയാസ് അല് ബുഖാരി, കേരള മുസ്ലിം ജമാഅത്ത് ജില്ലാ പ്രസിഡന്റ് കൂറ്റമ്പാറ അബ്ദുറഹ്മാന് ദാരിമി, ഹാഫിള് അബൂബക്കര് സഖാഫി പന്നൂര്, ഇബ്റാഹിം ബാഖവി മേല്മുറി, അബ്ദുല് ജലീല് സഖാഫി കടലുണ്ടി, സുലൈമാന് ഫൈസി കിഴിശ്ശേരി, അബ്ദുസ്സലാം ഫൈസി കൊല്ലം, അബൂബക്കര് സഖാഫി അരീക്കോട്, മൂസ ഫൈസി ആമപ്പൊയില്, എം എന് കുഞ്ഞുമുഹമ്മദ് ഹാജി എന്നിവര് സംബന്ധിച്ചു.
