പീച്ചി ഡാമില് വീണ പെണ്കുട്ടികളില് ഒരാള് മരിച്ചു; മൂന്ന് പേരുടെ നില ഗുരുതരം
തൃശ്ശൂര്: പീച്ചി ഡാം റിസര്വോയറിന്റെ തെക്കേക്കുളം ഭാഗത്തു വീണ നാല് വിദ്യാര്ഥിനികളില് ഒരാള് മരിച്ചു. രണ്ടുപേരുടെ നില ഗുരുതരമാണ്. പട്ടിക്കാട് ചുങ്കത്ത് ഷാജന്റെയും സിജിയുടെയും മകള് അലീനാ ഷാജനാണ് (16) മരിച്ചത്. തൃശ്ശൂര് ജൂബിലി മിഷന് മെഡിക്കല് കോളജ് ആശുപത്രിയില് വെന്റിലേറ്ററിലായിരുന്നു. പുലര്ച്ചെ 12.30 ഓടെയായിരുന്നു മരണം.
ഞായറാഴ്ച വൈകീട്ട് മൂന്നോടെയാണ് സംഭവം. പട്ടിക്കാട് ചാണോത്ത് സ്വദേശിനികളായ പാറശ്ശേരി വീട്ടില് സജിയുടെയും സെറീനയുടെയും മകള് ആന് ഗ്രേസ് (16), ചുങ്കത്ത് ഷാജന്റെയും സിജിയുടെയും മകള് അലീനാ ഷാജന് (16), മുരിങ്ങത്തുപറമ്പില് ബിനോജിന്റെയും ജൂലിയുടെയും മകള് എറിന് (16), പീച്ചി സ്വദേശിനി പുളിയമ്മാക്കല് ജോണിയുടെയും ഷാലുവിന്റെയും മകള് നിമ (12) എന്നിവരാണ് അപകടത്തില്പ്പെട്ടത്.തൃശ്ശൂര് സെയ്ന്റ് ക്ലേയേഴ്സ് ഗേള്സ് ഹയര് സെക്കന്ഡറി സ്കൂളിലെ പ്ലസ് വണ് വിദ്യാര്ഥിനിയാണ് അലീന. സഹോദരി: ക്രിസ്റ്റീന. വെള്ളത്തില് വീണ മറ്റു മൂന്നു പേരും ജൂബിലി മിഷന് മെഡിക്കല് കോളജ് ആശുപത്രിയില് വെന്റിലേറ്ററിലാണ്.
