ജി എച്ച് എസ് എസ് വെളിയങ്കോടിന് ജില്ലാ പഞ്ചായത്ത് നിർമ്മിച്ച കെട്ടിടം ഉത്ഘാടനം ചെയ്തു
എരമംഗലം:മലപ്പുറം ജില്ലാ പഞ്ചായത്ത് വികസന ഫണ്ടിൽ ഡിവിഷൻ മെമ്പർ എ കെ സുബൈറിന് അനുവദിച്ച പദ്ധതി വിഹിതം ഉപയോഗിച്ചുകൊണ്ട് വെളിയങ്കോട് ജി എച്ച് എസ് സ്കൂളിൽ പ്ലസ് ടു അധിക ബാച്ചിനുവേണ്ടി നിർമ്മിച്ച കെട്ടിടത്തിന്റെ ഉദ്ഘാടന കർമ്മം ജില്ലാ പഞ്ചായത്ത് ഡിവിഷൻ മെമ്പർ എ കെ സുബൈർ നിർവഹിച്ചു.ചടങ്ങിൽ ബ്ലോക്ക് പഞ്ചായത്ത് പ്രസിഡണ്ട് അഡ്വ: ഇ സിന്ധു അധ്യക്ഷത വഹിച്ചു.ബ്ലോക്ക് പഞ്ചായത്ത് വൈസ് പ്രസിഡന്റ് സൗദാമിനി, ഗ്രാമപഞ്ചായത്ത് വിദ്യാഭ്യാസ ആരോഗ്യ ചെയർമാൻ സൈദ് പുഴക്കര, ബ്ലോക്ക് അംഗം പി അജയൻ, ഗ്രാമപഞ്ചായത്ത് അംഗം പി പ്രിയ,പ്രിൻസിപ്പൽ കെ ടി നൂർ മുഹമ്മദ് എന്നിവർ ആശംസകൾ നേർന്നു സംസാരിച്ചു.സ്കൂൾ വികസനസമിതി അംഗങ്ങളായ ഫൗസിയ, പ്രബിത പുല്ലൂണി, ഷാഫി മടേപ്പറമ്പിൽ, ഖാലിദ് ഒളാട്ട്, കുമാരൻ, ഫാറൂഖ് വെളിയങ്കോട്, പ്രസാദ് എന്നിവർ പരിപാടികൾക്ക് നേതൃത്വം നൽകി. പി ടി എ പ്രസിഡന്റ് ഗിരിവാസൻ സ്വാഗതവും എച്ച് എം രാധിക ടീച്ചർ നന്ദിയും പറഞ്ഞു
