KERALA
തൃശൂരിൽ പള്ളി പെരുന്നാളിനെത്തിയ സ്ത്രീ ഒന്നര വയസുകാരന്റെ മാല പൊട്ടിച്ച് ഓടി; നാട്ടുകാർ വളഞ്ഞിട്ട് പിടിച്ചു
തൃശൂർ: തൃശൂരിലെ മാളയിൽ പള്ളി പെരുന്നാളിനിടെ മോഷണ ശ്രമം നടത്തിയ സ്ത്രീ പിടിയിൽ. പള്ളി പെരുന്നാളിന് വീട്ടുകാർക്കൊപ്പമെത്തിയ ഒന്നര വയസ്സുകാരന്റെ മാല പൊട്ടിച്ച് ഓടിയ സ്ത്രിയെയാണ് നാട്ടുകാർ പിടികൂടിയത്. തമിഴ്നാട് സ്വദേശിയായ ഇവരെ പിന്നീട് പൊലീസിൽ ഏൽപ്പിച്ചു. പൊള്ളാച്ചി മാസാനിയമ്മൻ കോവിൽ സ്വദേശിനി കാർത്തിക എന്ന് വിളിപ്പേരുള്ള നഗ്മ (45) ആണ് പിടിയിൽ ആയത്. പള്ളിപ്പുറം സ്വദേശി ജീജോയുടെ ഒന്നര വയസുള്ള മകന്റെ മാലയാണ് മോഷ്ടിച്ചത്. നഗ്മയുടെ അറസ്റ്റ് മാള പൊലീസ് രേഖപ്പെടുത്തി.
