DRS ഇംഗ്ലീഷ് സ്കൂളിൽ നബിദിനാഘോഷം വിപുലമായി
ചങ്ങരംകുളം: DRS ഇംഗ്ലീഷ് സ്കൂളിന്റെ ആഭിമുഖ്യത്തിൽ നബിദിനാഘോഷം വിവിധ പരിപാടികളോടെ വിപുലമായി സംഘടിപ്പിച്ചു. നബിദിനത്തിന്റെ ഭാഗമായി സംഘടിപ്പിച്ച റാലി സ്കൂൾ പരിസരത്ത് നിന്ന് ആരംഭിച്ച് ചങ്ങരംകുളത്തിൻ്റെ ഹൃദയഭാഗത്തുകൂടി സഞ്ചരിച്ചു. വിദ്യാർത്ഥികളും അധ്യാപകരും റാലിയിൽ അണിനിരന്നു. നബിദിന സന്ദേശങ്ങളും മദ്ഹ് ഗാനങ്ങളും ഉയർത്തിപ്പിടിച്ചുകൊണ്ടുള്ള റാലി പ്രദേശവാസികളുടെ ശ്രദ്ധ ആകർഷിച്ചു. വിദ്യാർത്ഥികളുടെ സർഗാത്മക കഴിവുകൾ പ്രോത്സാഹിപ്പിക്കുന്നതിനായി കളറിംഗ് മത്സരവും ക്വിസ് മത്സരവും സംഘടിപ്പിച്ചു.
നബിദിനത്തിന്റെ സന്ദേശവും പ്രവാചകചരിത്രവുമായി ബന്ധപ്പെട്ട അറിവുകളും കുട്ടികളിലേക്ക് പകരുന്നതിനുള്ള വേദിയായി ക്വിസ് മത്സരം മാറി. വിവിധ പ്രായവിഭാഗങ്ങളിലുള്ള കുട്ടികൾ ആവേശത്തോടെ മത്സരങ്ങളിൽ പങ്കെടുത്തു.വിദ്യാർത്ഥികൾ അവതരിപ്പിച്ച മദ്ഹ് പാട്ടുകളും പ്രസംഗങ്ങളും ആഘോഷത്തിന് കൂടുതൽ മികവ് പകർന്നു. പ്രവാചകസ്നേഹം, കാരുണ്യം, സ്നേഹം, സഹോദര്യം, സമാധാനം തുടങ്ങിയ മഹത്തായ മൂല്യങ്ങൾ ഉയർത്തിപ്പിടിക്കുന്നതായിരുന്നു കുട്ടികളുടെ അവതരണങ്ങൾ.ആഘോഷത്തിന്റെ ഭാഗമായി സംഘടിപ്പിച്ച ഫ്ലവർ ഷോയും ഏറെ ശ്രദ്ധേയമായി. വർണാഭമായ പുഷ്പങ്ങൾ ഉപയോഗിച്ച് വിദ്യാർത്ഥികൾ ഒരുക്കിയ മനോഹരമായ അലങ്കാരങ്ങൾ കാണികളുടെ ശ്രദ്ധ പിടിച്ചുപറ്റി. കൂടാതെ നബിദിന സ്കൗട്ട് പരിപാടിയും സംഘടിപ്പിച്ചു. അച്ചടക്കം, സേവന മനോഭാവം, സഹകരണം തുടങ്ങിയ മൂല്യങ്ങൾ കുട്ടികളിൽ വളർത്തുന്നതിന് പരിപാടി സഹായകമായി.നബിദിനാഘോഷത്തിന്റെ ഭാഗമായി നടന്ന വിവിധ പരിപാടികളിലൂടെ വിദ്യാർത്ഥികളുടെ കലാപരവും സർഗാത്മകവുമായ കഴിവുകൾ പ്രകടിപ്പിക്കാനും പ്രവാചകന്റെ ജീവിതവും സന്ദേശവും കൂടുതൽ അടുത്തറിയാനും അവസരം ലഭിച്ചു. അധ്യാപകരുടെയും രക്ഷിതാക്കളുടെയും സഹകരണത്തോടെയാണ് പരിപാടികൾ സംഘടിപ്പിച്ചത്.വൈവിധ്യമാർന്ന പരിപാടികളാൽ സമ്പന്നമായ DRS ഇംഗ്ലീഷ് സ്കൂളിലെ നബിദിനാഘോഷം വിദ്യാർത്ഥികൾക്കും അധ്യാപകർക്കും രക്ഷിതാക്കൾക്കും ഒരുപോലെ ആസ്വാദ്യകരവും വിജ്ഞാനപ്രദവുമായ അനുഭവമായി മാറി.
