PONNANI
പൊന്നാനിയിൽ നിയന്ത്രണം വിട്ട ബൈക്ക് ഡിവൈഡറിൽ ഇടിച്ച് യുവാവിന് ദാരുണാന്ത്യം:സുഹൃത്തിന് പരിക്ക്
പൊന്നാനിയിൽ നിയന്ത്രണം വിട്ട ബൈക്ക് ഡിവൈഡറിൽ ഇടിച്ച് യുവാവ് മരിച്ചു.സുഹൃത്തിന് പരിക്കേറ്റു.പൊന്നാനി കുറ്റിപ്പുറം ആറുവരിപ്പാതയിൽ ചമ്രവട്ടം ജംഗ്ഷൻ പാലത്തിന് മുകളിൽ വെച്ച് ഇന്ന് പുലർച്ചെ 4 മണിയോടെയാണ് അപകടം.നിയന്ത്രണംവിട്ട ബൈക്ക് ഡിവൈഡറിലിടിച്ചാണ് അപകടം ഉണ്ടായത്.അപകടത്തിൽ പരിക്കേറ്റ ബൈക്ക് യാത്രികരായ കണ്ണൂർ കൂത്തുപറമ്പ് മാനന്തേരി സ്വദേശി കുന്നുമ്മൽ ബിജു എന്നവരുടെ മകൻ ആദിത്യൻ,കുഞ്ഞിപ്പുരയിൽ രാജേഷ് എന്നവരുടെ മകൻ ഋതുരാജ് എന്നിവരെ പൊന്നാനി താലൂക്ക് ആശുപത്രിയിൽ പ്രവേശിപ്പിച്ചെങ്കിലും ആദിത്യൻ്റെ ജീവൻ രക്ഷിക്കാനായില്ല.ഋതുരാജ് പൊന്നാനി ആശുപത്രിയിൽ ചികിത്സയിലാണ്.ഇയാളുടെ പരിക്ക് ഗുരുതരമല്ല
