KERALA
ഇടുക്കി വലിയതോവാളയില്‍ 12 വയസ്സുകാരൻ കുഴഞ്ഞ് വീണു മരിച്ചു.
ഇടുക്കി: ഇടുക്കി വലിയതോവാളയില്‍ 12 വയസ്സുകാരൻ കുഴഞ്ഞ് വീണു മരിച്ചു. വലിയതോവാള കല്ലടയില്‍ വിനോദിന്റെ മകൻ റൂബൻ വിനോദ് (12) ആണ് മരിച്ചത്.വലിയതോവാള ക്രിസ്തുരാജ സ്കൂളില്‍ പഠിക്കുന്ന റൂബൻ വയറു വേദനയെ തുടർന്ന് കഴിഞ്ഞ രണ്ടു ദിവസങ്ങളില്‍ സ്കൂളില്‍ എത്തിയിരുന്നില്ല. ഇന്നലെ രാവിലെ ഇരട്ടയാറിലെ ആശുപത്രിയില്‍ ചികിത്സ തേടിയിരുന്നു. വൈകുന്നേരം അഞ്ചുമണിയോടെ മുത്തശ്ശി റൂബനെ വിളിച്ചിട്ടും അനക്കമില്ലാതെ വന്നതോടെ കട്ടപ്പനയിലെ സ്വകാര്യ ആശുപത്രിയില്‍ എത്തിച്ചെങ്കിലും മരിച്ചിരുന്നു. മാതാപിതാക്കള്‍ വിദേശത്തായതിനാല്‍ മുത്തശ്ശനോടും മുത്തശ്ശിയോടും ഒപ്പമായിരുന്നു താമസം. മരണകാരണം കണ്ടെത്താൻ മൃതദേഹം ഇന്ന് പോസ്റ്റുമോർട്ടം നടത്തുമെന്ന് വണ്ടൻമേട് പൊലീസ് പറഞ്ഞു.
