KERALA
സംസ്ഥാനത്ത് മഴ കനക്കും; 10 ജില്ലകളില് യെലോ അലര്ട്ട്
സംസ്ഥാനത്ത് ശക്തമായ മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ വകുപ്പ്. പാലക്കാട്, മലപ്പുറം, വയനാട്, കാസര്കോട് ഒഴികെയുള്ള ജില്ലകളില് യെലോ അലര്ട്ട് പ്രഖ്യാപിച്ചു. തീരപ്രദേശത്ത് കടലേറ്റത്തിന് ഇടയുണ്ടെന്ന് ദേശീയ സമുദ്ര ഗവേഷണ കേന്ദ്രം നേരത്തെ മുന്നറിയിപ്പ് പുറപ്പെടുവിച്ചിരുന്നു. 3.4 മീറ്റർ വരെ ഉയരമുള്ള തിരമാലകൾ ഉണ്ടായേക്കാം. കടൽ പ്രക്ഷുബ്ധമാണ്. മത്സ്യ തൊഴിലാളികൾ കടലിൽ പോകരുതെന്ന നിർദേശവും കാലാവസ്ഥാ വകുപ്പ് നൽകിയിട്ടുണ്ട്.
