GULF
ദുബായിൽ തണലോത്സവം ഡിസംബർ 7-ന്
എടപ്പാൾ: ദുബായിലെ അൽ സലാം കമ്മ്യൂണിറ്റി ഹാളിൽ 2025 ഡിസംബർ 7-ന് തണൽ നടുവട്ടം പ്രവാസി സൗഹൃദ വേദിയുടെ നേതൃത്വത്തിൽ ‘തണലോത്സവം’ വിപുലമായ പരിപാടികളോടെ അരങ്ങേറും. അൽതവാർ പാർക്കിൽ ചേർന്ന സ്വാഗതസംഘ യോഗത്തിൽ ശംസുദ്ധീൻ ചെയർമാനായും കാദർ പടിഞ്ഞാക്കര കൺവീനറായും തെരഞ്ഞെടുക്കപ്പെട്ടു. യോഗത്തിന് പ്രസിഡന്റായ സജിത്ത് കടവിങ്ങൽ അധ്യക്ഷത വഹിച്ചു. യു.എ.ഇയുടെ നാഷണൽ ഡേ, ഈദുൽ ഇത്തിഹാദ് ആഘോഷങ്ങളോടനുബന്ധിച്ച് സംഘടിപ്പിക്കുന്ന തണലോത്സവത്തിൽ യു.എ.ഇയിലെ വിവിധ ഭാഗങ്ങളിൽ നിന്നുള്ള നാട്ടുകാരുടെ വൻ പങ്കെടുക്കൽ പ്രതീക്ഷിക്കുന്നു.
വിവിധ കലാ പരിപാടികൾ, ഫാമിലി സെഷനുകൾ, കൂടാതെ പ്രമുഖ മലയാളി കലാകാരന്മാർ അണിനിരക്കുന്ന കലാസന്ധ്യ എന്നിവ തണലോത്സവത്തിന് നവ്യമായ ഭാവുകം പകരുമെന്ന് സംഘാടകർ അറിയിച്ചു.
