Kollam
തിരുമ്മൽ ചികിത്സയുടെ മറവിൽ കണ്ണൂർ സ്വദേശിനിയെ പീഡിപ്പിക്കാൻ ശ്രമിച്ച ചേർത്തല സ്വദേശി അറസ്റ്റിൽ
കൊല്ലം: കരുനാഗപ്പള്ളിയില് തിരുമ്മല് ചികിത്സയുടെ മറവില് യുവതിയെ പീഡിപ്പിക്കാന് ശ്രമിച്ചയാള് അറസ്റ്റില്. ചേര്ത്തല തുറവൂര് പള്ളിത്തോട് സ്വദേശി ചന്ദ്രബാബു എന്ന് അറിയപ്പെടുന്ന സഹലേഷ് കുമാറാണ് പിടിയിലായത്. കരുനാഗപ്പള്ളി കോടതി സമുച്ചയത്തിന് സമീപമുള്ള വീട്ടില് തിരുമ്മല് കേന്ദ്രം നടത്തി വരികയായിരുന്നു ഇയാള്.
എത്ര പഴക്കമുള്ള വേദനയും ഒറ്റ ദിവസം കൊണ്ട് മാറ്റി നൽകാമെന്ന സമൂഹമാധ്യമങ്ങളിലെ പരസ്യം കണ്ടാണ് കണ്ണൂർ സ്വദേശിനി പ്രതിയെ സമീപിക്കുന്നത്. നടുവേദനയുടെ ചികിത്സയ്ക്കായി എത്തിയ സ്ത്രീയെ 54 കാരനായ പ്രതി ലൈംഗികമായി പീഡിപ്പിക്കാൻ ശ്രമിക്കുകയായിരുന്നു. കരുനാഗപ്പള്ളി പൊലീസിന് ലഭിച്ച പരാതിയുടെ അടിസ്ഥാനത്തിലാണ് പ്രതിയെ പിടികൂടിയത്.