Tamil Nadu
വാല്പ്പാറയില് എട്ട് വയസ്സുകാരനെ പുലി കടിച്ചു കൊന്നു
തൃശ്ശൂര് തമിഴ്നാട്ടിലെ വാല്പ്പാറയില് എട്ട് വയസ്സുകാരനെ പുലി കടിച്ചുകൊന്നു. വാല്പ്പാറ വേവര്ലി എസ്റ്റേറ്റിലാണ് ആക്രമണമുണ്ടായത്.അസം സ്വദേശികളുടെ മകന് നൂറിൻ ഇസ്ലാമാണ് മരിച്ചത്. ഇന്നലെ വൈകീട്ട് ആറരയോടെയാണ് സംഭവമുണ്ടായതെന്നാണ് വിവരം.
സഹോദരന് പാല് വാങ്ങാനായി പുറത്തേക്ക് പോയതാണെന്നാണ് വിവരം. ഏറെ നേരമായിട്ടും കാണതായതോടെ പിതാവ് അന്വേഷിച്ച് പോകുകയായിരുന്നു. തുടര്ന്ന് കുട്ടി പാലിനായി കൊണ്ടുപോയ പാത്രം കണ്ടെത്തുകയും പിന്നീട് നാട്ടുകാരെ കൂട്ടി തിരച്ചില് ആരംഭിക്കുകയുമായിരുന്നു. തിരച്ചിലില് കുട്ടിയുടെ മൃതദേഹം കണ്ടെത്തി. മൃതദേഹഭാഗങ്ങള് പുലി ഭക്ഷിച്ച നിലയിലായിരുന്നു.വാല്പ്പാറയില് ഒരു മാസം മുമ്പ് പുലി മറ്റൊരു കുട്ടിയെ കടിച്ച് കൊലപ്പെടുത്തിയിരുന്നു. നാലു വയസ്സുകാരിയെ ആണ് കൊന്ന് തിന്നത്.
