ലൈസൻസ് – സബ്സിഡി – ലോൺ മേള സംഘടിപ്പിച്ചു
പൊന്നാനി : പൊന്നാനി നഗരസഭയും, പൊന്നാനി താലൂക്ക് വ്യവസായ ഓഫീസും സംയുക്തമായി ലൈസൻസ് – സബ്സിഡി – ലോൺ മേള സംഘടിപ്പിച്ചു. സംസ്ഥാന സർക്കാർ 2022 – 23 സാമ്പത്തിക വർഷം സംരംഭക വർഷമായി ആചരിക്കുന്നതിന്റെ ഭാഗമായി കൂടുതൽ സംരംഭകരെ ആകർഷിക്കുന്നതിനാണ് മേള നടത്തിയത്. മേളയിൽ വെച്ച് സംരംഭകർക്ക് ആവശ്യമായുള്ള ലോണുകളും ലൈസൻസുകളും സബ്സിഡികളും വിതരണം ചെയ്തു.
നഗരസഭ പരിധിയിൽ സംരംഭങ്ങൾ തുടങ്ങാൻ 17 വായ്പകൾ മേളയിൽ അനുവദിച്ചു. വിവിധ ബാങ്കുകളിൽ നിന്നായി 93.5 ലക്ഷം രൂപയാണ് ലോണായി അനുവദിച്ചത്. ഇത് കൂടാതെ ഫിഷറീസ് വകുപ്പിന് കീഴിൽ തീരാമൈത്രി പദ്ധതി പ്രകാരമുള്ള വായ്പകളും വിതരണം ചെയ്തു. സർക്കാരിന്റെ സൂക്ഷ്മ ചെറുകിട ഇടത്തരം സംരംഭങ്ങൾക്കും കച്ചവടം സ്ഥാപനങ്ങൾക്കും ഉള്ള 27 ഉദ്ദ്യം രജിസ്ട്രേഷനും ചടങ്ങിൽ വിതരണം ചെയ്തു. വ്യവസായ വകുപ്പിന്റെ കെഷിഫ്റ്റ് ആക്നോൾജ്മെന്റ് ലൈസൻസുകളും ഭക്ഷ്യ സുരക്ഷാ വിഭാഗത്തിന്റെ എഫ്.എസ്.എസ്.എ.ഐ ലൈസൻസുകളും വിതരണം വിതരണം ചെയ്തു.
