നോർഡ് 3 ജൂലൈ അഞ്ചിന് അവതരിപ്പിക്കാൻ ഒരുങ്ങി വൺ പ്ലസ്
നോർഡ് 3 5G, നോർഡ് CE 3 5G, നോർഡ് Buds 2r, BWZ2 ANC എന്നിവയുൾപ്പെടെ കുറഞ്ഞത് നാല് പുതിയ ഉൽപ്പന്നങ്ങളെങ്കിലും ജൂലൈ 5ന് ഇന്ത്യയിൽ അവതരിപ്പിക്കുമെന്ന് സ്ഥിരീകരിച്ച് വൺ പ്ലസ്. രണ്ട് പുതിയ ഫോണുകളും ഏറെക്കുറെ ഒരുപോലെയാണ് കാണപ്പെടുന്നത് , എന്നാൽ ഇവയുടെ വിലയിലെ വ്യത്യാസം ന്യായീകരിക്കാൻ ബിൽഡ് ക്വാളിറ്റിയിൽ പ്രകടമായ വ്യത്യാസങ്ങൾ ഉണ്ടായേക്കാം. മറുവശത്ത്, Buds 2r, വിലക്കുറവോടെ ലഭ്യമാകുന്ന ഒറിജിനൽ വൺ പ്ലസ് നോർഡ് Buds-ന്റെ പിൻഗാമിയാകും. കമ്പനിയുടെ പുതിയ നെക്ക്ബാൻഡ് ഇയർഫോണാണ് വൺ പ്ലസ് BWZ2 ANC.ജൂലൈ 5ന് വൈകുന്നേരം 7.30ന് വൺപ്ലസ് നോർഡ് സമ്മർ ലോഞ്ച് ഇവന്റിൽ പുതിയ ഉൽപ്പന്നങ്ങൾ അനാച്ഛാദനം ചെയ്യുമെന്ന് കമ്പനി പറയുന്നു. വൺപ്ലസ് നോർഡ് 3 5G മോഡൽ മുതൽ, ഫോണിൽ ഓഡിയോ മോഡുകൾ, ഫ്ലാറ്റ് ഡിസ്പ്ലേ, ടു കളർ ഓപ്ഷനുകൾ (ടെംറ്റെസ്റ്റ് ഗ്രേ, മിസ്റ്റി ഗ്രീൻ) എന്നിവ കൈകാര്യം ചെയ്യുന്നതിനുള്ള ഒരു അലേർട്ട് സ്ലൈഡർ ഫീച്ചർ ചെയ്യുന്നതായി അവർ സ്ഥിരീകരിച്ചു. നോർഡ് 3 5Gയുടെ വിശദാംശങ്ങൾ നേരത്തെ ചോർന്നിരുന്നു, എന്ന് മാത്രമല്ല അതുമായി ബന്ധപ്പെട്ട വിവരങ്ങളെല്ലാം ഏതാണ്ട് എല്ലായിടത്തും പ്രചരിക്കുന്നുമുണ്ട്.നോർഡ് 3 മിക്കവാറും 6.74-ഇഞ്ച് ഫുൾ-HD+ AMOLED ഡിസ്പ്ലേയും 120Hz റിഫ്രഷ്മെന്റ് റേറ്റുമായാണ് എത്തുക. 50 മെഗാപിക്സൽ പ്രൈമറി ക്യാമറ, 8 മെഗാപിക്സൽ അൾട്രാ വൈഡ് ക്യാമറ, 2 മെഗാപിക്സൽ മാക്രോ ക്യാമറ എന്നിവ പിൻ ക്യാമറ സംവിധാനത്തിൽ ഉൾപ്പെടുന്നു. ആൻഡ്രോയ്ഡ് 13, 5G, Dimensity 9000 SoC, അണ്ടർ-ഡിസ്പ്ലേ ഫിംഗർപ്രിന്റ് സ്കാനർ എന്നിവയാണ് മറ്റ് ഫീച്ചറുകളെന്ന് അഭ്യൂഹങ്ങളിൽ പറയുന്നു. രണ്ട് സ്റ്റോറേജ് കോൺഫിഗറേഷനുമായാണ് ഫോൺ എത്തുക. ബേസിക് 8 ജിബി റാം, 128 ജിബി സ്റ്റോറേജ് ഓപ്ഷന് 32,999 രൂപയും 16 ജിബി റാം 256 ജിബി സ്റ്റോറേജ് മോഡലിന് 36,999 രൂപയുമാണ് വില നിശ്ചയിക്കുക.വൺ പ്ലസ് നോർഡ് CE 3 5G നോർഡ് 3യുടെ ടോൺ-ഡൗൺ പതിപ്പായിരിക്കും. Qualcomm Snapdragon 782G, 80W വയർഡ് SuperVOOC ഫാസ്റ്റ് ചാർജിംഗ് പിന്തുണയുള്ള 5,000mAh ബാറ്ററി എന്നിവ സ്മാർട്ട്ഫോണിൽ ഉണ്ടാകുമെന്ന് പ്രതീക്ഷിക്കുന്നു. 120Hz റിഫ്രഷ് റേറ്റ് ഉള്ള 6.7-ഇഞ്ച് ഫ്ലൂയിഡ് AMOLED ഡിസ്പ്ലേയും പിന്നിൽ ഒപ്റ്റിക്കൽ ഇമേജ് സ്റ്റെബിലൈസേഷനോടുകൂടിയ (OIS) 50-മെഗാപിക്സൽ IMX890 പ്രൈമറി സെൻസറും ഇതിൽ ഫീച്ചർ ചെയ്തേക്കാം. പിന്നിൽ മറ്റ് രണ്ട് ക്യാമറ സെൻസറുകൾ കൂടി ഉണ്ടാകും.ബഡ്സ് 2r-ലേക്ക് വരുമ്പോൾ, കമ്പനി മോഡലിന്റെ കറുപ്പും നീലയും നിറങ്ങൾ മാത്രമാണ് വെളിപ്പെടുത്തിയിരിക്കുന്നത്. യഥാർത്ഥ നോർഡ് ബഡ്സ് കേസിന്റെ മൂർച്ചയുള്ള അരികുകളുമായി താരതമ്യപ്പെടുത്തുമ്പോൾ കേസിന് മിനുസമാർന്നതും വൃത്താകൃതിയിലുള്ളതുമായ എഡ്ജ് ആണുള്ളത്. ഇത് ആപ്പ് പിന്തുണയും ടച്ച് നിയന്ത്രണങ്ങളും ഏഴ് മണിക്കൂർ ശ്രവണ സമയവും വാഗ്ദാനം ചെയ്തേക്കാം. ഈ ഇയർബഡുകളുടെ വില 3,000 രൂപയിൽ താഴെയായിരിക്കും എന്നാണ് സൂചന.
