എടപ്പാൾ നാഷണൽ ഐ. ടി. ഐ. ൽ ഊർജ്ജസംരക്ഷണ ദിനാചരണവും റാലിയും നടത്തി
എടപ്പാൾ: ഊർജ്ജ സംരക്ഷണത്തിന്റെ ഭാഗമായി സംസ്ഥാനത്ത് ഉടനീളം നടക്കുന്ന പരിപാടികളുടെ ഭാഗമായി എടപ്പാൾ നാഷണൽ ഐ. ടി. ഐ.ൽ ഊർജ്ജസംരക്ഷണ പ്രതിജ്ഞയെടുത്ത്, ഒപ്പ് ശേഖരണവും ബോധവൽക്കരണ റാലിയും നടത്തി. അതിന്റെ തുടർച്ചയായി വിദ്യാർഥികൾക്ക് ബോധവൽക്കരണ ക്ലാസും സംഘടിപ്പിച്ചു. എനർജി മാനേജ്മെൻറ് സെൻറർ- കേരളയുടെയും ഊർജ്ജമിത്ര എടപ്പാളിന്റെയും നേതൃത്വത്തിലാണ് പ്രോഗ്രാം നടന്നത്. റാലി വട്ടംകുളം പഞ്ചായത്ത് പ്രസിഡണ്ട് ശ്രീ മജീദ് കഴുങ്ങിൽ ഫ്ലാഗ് ഓഫ് ചെയ്തു. ഊർജ്ജസംരക്ഷണ ബോധവൽക്കരണ സെമിനാർ വട്ടംകുളം ഗ്രാമപഞ്ചായത്ത് വികസന സ്റ്റാൻഡിങ് കമ്മിറ്റി ചെയർമാൻ ശ്രീ നജീബ് ഉദ്ഘാടനം ചെയ്തു. നാഷണൽ ഐ. ടി. ഐ. പ്രിൻസിപ്പാൾ ശ്രീ അർജുൻ അധ്യക്ഷത വഹിച്ചു. ഐ. ടി. ഐ. മാനേജർ ശ്രീനിവാസൻ സ്വാഗത പ്രസംഗം നടത്തി. ഇ.എം.സി റിസോഴ്സ് പേഴ്സൺ ശ്രീ സാബിർ ബോധവൽക്കരണ ക്ലാസ് നടത്തി. ഐ. ടി. ഐ. സ്ഥാപക ചെയർമാൻ ഇബ്രാഹിം മൂതൂർ, വട്ടംകുളം ഗ്രാമപഞ്ചായത്ത് ആരോഗ്യ , വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ശ്രീ മൻസൂർ എന്നിവർ ആശംസകൾ അറിയിച്ചു.ശ്രീ കിഷോർ ഊർജ്ജമിത്ര എടപ്പാൾ നന്ദി പറഞ്ഞു.
