ലഹരിക്കെതിരെ’സമാധാനത്തിനായി’എറവറാംകുന്ന് സാംസ്കാരിക വേദിയുടെ മാരത്തൺ റൺ
ചങ്ങരംകുളം :ലഹരി വേണ്ട, യുദ്ധവും വേണ്ട” എന്ന സന്ദേശവുമായി മാരത്തൺ റൺ’ സങ്കടിപ്പിച്ചു.ആരോഗ്യകരമായ നാളെയെ കെട്ടിപ്പടുക്കുക, എന്ന ലക്ഷ്യത്തോടെയാണ്എറവറാംകുന്ന് സാംസ്കാരിക വേദി ആർട്സ് ആൻഡ് സ്പോർട്സ് ക്ലബ് കായിക സംഗമം സംഘടിപ്പിച്ചത്.പാവിട്ടപുറത്ത് നിന്ന് തുടങ്ങി ചങ്ങരംകുളം ഷൈൻ ഓഡിറ്റോറിയം അവസാനിക്കുന്ന രീതിയിൽ 4 കിലോ മീറ്റർ ഓട്ടം ആണ് സംഘടിപ്പിച്ചിത് .പരിപാടി ആലങ്കോട് പഞ്ചായത്ത് പ്രസിഡന്റ് ആസിയ ഇബ്രാഹിം ഉദ്ഘാടനം ചെയ്തു.വൈസ് പ്രസിഡന്റ് സുബൈർ ഉദിനുപറമ്പ്,സ്റ്റാൻന്റിങ് കമ്മിറ്റി ചെയർമാൻ ഫവാസ് മാളിയേക്കൽ എന്നിവർ സംസാരിച്ചു.
മത്സരത്തിൽ വിജയികളായവർക്ക് ക്യാഷ് പ്രൈസും,സർട്ടിഫിക്കറ്റും, ട്രോഫിയും കൈമാറി.ഒന്നാം സമ്മാനം നേടിയ സുജിത് ഒതളൂർ 13 മിനിറ്റ് 34 സെക്കന്റ് കൊണ്ടും,രണ്ടാം സമ്മാനം നേടിയ യാസിൻ വടക്കാഞ്ചേരി 14മിനിറ്റ്16സെക്കന്റ് കൊണ്ടും മൂന്നാം സമ്മാനം നേടിയ രാമു തവനൂർ 14മിനിറ്റ് 29സെക്കന്റ് കൊണ്ടും ലക്ഷ്യത്തിലെത്തി.
അണ്ടർ 15 വിഭാഗത്തിൽ അബ്ദുൽ ഹാദി 18മിനിറ്റ്10സെക്കന്റ് കൊണ്ടും ലക്ഷ്യം കണ്ടു..പങ്കെടുത്ത എല്ലാവർക്കും സർട്ടിഫിക്കറ്റ് നൽകി .
സമാധാനത്തിനായി ഓടുക,ആരോഗ്യത്തിനായി ഓടുക, മെച്ചപ്പെട്ട നാളെയെ ലക്ഷ്യം വെച്ച് മുന്നേറുക”എന്നതാണ് ഈ വർഷത്തെ മാരത്തണിന്റെ ആപ്തവാക്യമെന്ന് സംഘാടകര് പറഞ്ഞു.
70തോളം കായിക താരങ്ങൾ പരിപാടിയിൽ പങ്കെടുത്തു.സാംസ്കാരിക വേദി ഭാരവാഹികളായ പ്രസിഡന്റ് ഹഫീസ് ടി എച്,സെക്രട്ടറി ബിലാൽ,ട്രഷറർ ജവാദ് എൻ ജെ,ഷബീഹ്. ഇ എച് , അജ്മൽ. ബി എം , ജുനൈദ് എൻ ജെ ,ഫിയാസ്. ഇ. എം, അഫ്താബ്. ഇ എസ്, ഫസീഹ്. ഇ എസ്.എന്നിവർ പരിപാടിക്ക് നേതൃത്വം നൽകി
