എസ് എ വേൾഡ് സ്കൂളിൽ ഇരുനൂറിലധികം കുട്ടികൾ ആദ്യാക്ഷരം കുറിച്ചു
June 4, 2023
എസ് എ വേൾഡ് സ്കൂളിൽ കെ ജി പേരെന്റ്സ് ട്രെയിനിങ്ങും അലിഫ് ഡേയും നടന്നു. പുതിയ അധ്യയന വർഷാരംഭത്തിന്റെ ഭാഗമായി നടന്ന പേരെന്റ്സ് ട്രെയിനിങ്ങിന് സ്കൂൾ പ്രിൻസിപ്പാൾ എ പി അഷ്റഫ്, എം എസ് ഹെഡ് സുബൈർ ബാഖവി എന്നിവർ നേതൃത്വം നൽകി.പുതുതായി എൽ കെ ജിയിലേക്ക് അഡ്മിഷൻ ലഭിച്ച ഇരുനൂറിലധികം കുട്ടികളാണ് ആദ്യാക്ഷരം കുറിച്ചുകൊണ്ട് പഠന മേഖലയിലേക്ക് കാലെടുത്തു വെച്ചത്. എസ് ഐ കെ തങ്ങൾ മൂതൂർ, സയ്യിദ് മുഹമ്മദ് മൗലൽ ബുഖാരി, സയ്യിദ് അലി അബ്ബാസ് ഫാളിലി ചാലിശ്ശേരി എന്നിവർ പരിപാടികൾക്ക് നേതൃത്വം നൽകി. അയ്യൂബി എജുസിറ്റി പ്രസിഡന്റ് ഒറവിൽ ഹൈദർ മുസ്ലിയാർ, സെക്രട്ടറി കബീർ അഹ്സനി തുടങ്ങിയവർ ചടങ്ങിൽ സംബന്ധിച്ചു.
