സംസ്ഥാന സ്കൂൾ ഗെയിംസ്തയ്ക്വാൻഡോ ചാമ്പ്യൻഷിപ് സ്വന്തമാക്കി പൊന്നാനി ഐ.എസ്.എസ്
കണ്ണൂരിൽ നടന്ന അറുപത്തിയെട്ടാമത് സംസ്ഥാന സ്കൂൾ ഗെയിംസ് തയ്ക്വാൻഡോ ചാമ്പ്യൻഷിപ്പിൽ ഓവറോൾ ചാമ്പ്യന്മാരായ ഐ.എസ്.എസ് ഹയർ സെക്കൻഡറി സ്കൂൾ ടീം കെ.പി നൗഷാദലി എം.എൽ.എക്കൊപ്പം
പൊന്നാനി: കണ്ണൂരിൽ നടന്ന 68-ാം മത് സംസ്ഥാന സ്കൂൾ ഗെയിംസ് തയ്ക്വാൻഡോ ചാമ്പ്യൻഷിപ്പിൽ 32 പോയന്റ് കരസ്ഥമാക്കി ഓവറോൾ ചാമ്പ്യന്മാരായി പൊന്നാനി ഐ.എസ്.എസ് ഹയർ സെക്കൻഡറി സ്കൂൾ. നാല് സ്വർണ്ണവും മൂന്ന് വെള്ളിയും മൂന്ന് വെങ്കലവും നേടിയാണ് കഴിഞ്ഞ തവണ നഷ്ടപ്പെട്ട ഓവറോൾ ചാമ്പ്യൻ സ്കൂൾ പട്ടം ഇത്തവണ തിരിച്ചുപിടിച്ചത്.സബ്ജൂനിയർ വിഭാഗത്തിൽ എം.എ മുഹമ്മദ് ഷാഹിൽ, പി.വി മുഹമ്മദ് ഹനീൻ, റെബിൻ മുഹമ്മദ് വി.പി എന്നീ താരങ്ങളും ജൂനിയർ വിഭാഗത്തിൽ എ.വി സിനാസുമാണ് സ്വർണ്ണ മെഡൽ കരസ്ഥമാക്കിയത്. ഒമ്പതാം ക്ലാസ്സ് വിദ്യാർത്ഥിയായ സിനാസ് തുടർച്ചയായ നാലാം തവണയാണ് സംസ്ഥാന സ്കൂൾ ഗെയിംസ് ചാമ്പ്യൻഷിപ്പിൽ സ്വർണ്ണമെഡൽ കരസ്ഥമാക്കുന്നത്. കൂടാതെ രണ്ട് തവണ അമേച്വർ സംസ്ഥാന തയ്ക്വാൻഡോ ചാമ്പ്യൻഷിപ്പിലും സ്വർണ്ണ മെഡൽ കരസ്ഥമാക്കി ദേശീയ ചാമ്പ്യൻഷിപ്പിൽ പങ്കെടുത്തിരുന്നു. സബ്ജൂനിയർ വിഭാഗത്തിൽ പി.പി ഹൈഫ, ഹനീൻ മുബാറക്, സീനിയർ വിഭാഗത്തിൽ ഷെസ അഫ്റീൻ എന്നിവർ വെള്ളിമെഡലും ജൂനിയർ വിഭാഗത്തിൽ പി.പി ഇസ്സ, എ.കെ നിലൂഫർ, സീനിയർ വിഭാഗത്തിൽ ഷയാൻ മൂസ എന്നീ താരങ്ങൾ വെങ്കല മെഡലും കരസ്ഥമാക്കി.സംസ്ഥാന ജേതാക്കളായ താരങ്ങളെയും ചാമ്പ്യൻഷിപ്പിൽ പങ്കെടുത്ത വിദ്യാർത്ഥികളിലും പരിശീലകന്മാരായ മാസ്റ്റർ പി.പി ഫൈസൽ, പി.എ ദിൽബർ എന്നിവരെയും ഐ.എസ്.എസ് കുടുംബം അനുമോദനവും വിജയാഹ്ലാദ റാലിയും നടന്നു.സ്കൂൾ ഗ്രൗണ്ടിൽ നടന്ന അനുമോദന സംഗമം പൊന്നാനി നിയോജകമണ്ഡലം എം.എൽ.എ കെ.പി നൗഷാദലി ഉദ്ഘാടനം നിർവഹിച്ചു.ഐ.എസ്.എസ് എജുക്കേഷണൽ ഇൻസ്റ്റിറ്റ്യൂഷൻസ് പ്രസിഡന്റ് പി.വി അബ്ദുൽ ലത്തീഫ് അധ്യക്ഷത വഹിച്ച സംഗമത്തിൽ തയ്ക്വാൻഡോ അസോസിയേഷൻ കേരളയുടെ സംസ്ഥാന ട്രഷറർ എം. മുഹമ്മദ് അബ്ദുൽ നാസർ, എം.പി.ടി.എ പ്രസിഡന്റ് ഫസീല, പ്രിൻസിപ്പാൾ പി.കെ അബ്ദുൽ അസീസ്, അക്കാഡമിക് കോർഡിനേറ്റർ പി.വി അബ്ദുൽ ഖാദർ, ഹെഡ്മിസ്ട്രസ്സ് പി.ഗീത, സ്റ്റാഫ് സെക്രട്ടറി കെ.വി മുഹമ്മദ് റിയാസ്, തയ്ക്വാൻഡോ പരിശീലകരായ പി.പി ഫൈസൽ, പി.എ ദിൽബർ, സംസ്ഥാന ചാമ്പ്യൻഷിപ്പിൽ മാറ്റുരച്ച താരങ്ങളുടെ രക്ഷിതാക്കൾ എന്നിവർ സംബന്ധിച്ചു.
