പി.സി.ഡബ്ല്യു.എഫ് സൗജന്യ മെഡിക്കൽ ക്യാമ്പ് സംഘടിപ്പിച്ചു
കാലടി: “ആരോഗ്യമുളള സമൂഹം” എന്ന ലക്ഷ്യത്തോടെ എടപ്പാൾ ഹോസ്പിറ്റൽ ഐ ഫൗണ്ടേഷൻ സൂപ്പർ സ്പെഷ്യാലിറ്റി കണ്ണാശുപത്രി എന്നിവയുടെ സഹകരണത്തോടെ പൊന്നാനി കൾച്ചറൽ വേൾഡ് ഫൗണ്ടേഷൻ കാലടി പഞ്ചായത്ത് കമ്മിറ്റി സൗജന്യ മെഡിക്കൽ ക്യാമ്പ് സംഘടിപ്പിച്ചു. പോത്തനൂര് ജി. യു. പി. സ്കൂളിൽ വെച്ച് നടന്ന ക്യാമ്പ് ഗ്രാമ പഞ്ചായത്ത് പ്രസിഡന്റ് കെ.ജി ബാബു ഉദ്ഘാടനം ചെയ്തു.
വൈസ് പ്രസിഡന്റ് ബൽക്കീസ് കൊരണപ്പറ്റ മുഖ്യാതിഥിയായി. പി.സി.ഡബ്ല്യു.എഫ് ഗ്ലോബൽ പ്രസിഡന്റ് സി.എസ് പൊന്നാനി മുഖ്യപ്രഭാഷണം നടത്തി.
എടപ്പാൾ ഹോസ്പിറ്റലിലെ ഡോക്ടർമാരായ പി.കെ അജിത് കുമാർ, ഡോ: ഖദീജ ഷാഹിന,
ഡോ: നീഹാരിക എന്നിവർ വിവിധ പരിശോനകൾക്ക് നേതൃത്വം നൽകി. ബി പി – ഷുഗർ പരിശോധന, ഐ ഫൗണ്ടേഷൻ സൂപ്പർ സ്പെഷാലിറ്റി കണ്ണാശുപത്രിയുടെ
തിമിര നിർണ്ണയവും, തിമിര ശസ്ത്രക്രിയയുമെല്ലാം ക്യാമ്പിൽ നിന്നും ലഭിച്ച സൗജന്യ ആനുകൂല്യങ്ങളായിരുന്നു.
ആയുർവേദ ഡോക്ടർ ജന്നത്തുൽ ഫിർദൗസ് ചങ്ങമ്പള്ളി നയിച്ച ക്യാൻസർ ബോധവൽക്കരണ ക്ലാസും നടന്നു. ഇരുന്നൂറ്റി അമ്പതോളം ആളുകൾ ക്യാമ്പിൽ പങ്കെടുത്തു. സംഘാടക സമിതി ചെയർമാൻ മോഹൻ ദാസ്.സി അധ്യക്ഷത വഹിച്ചു. ഇ.കെ ദിലീഷ്, എ.ലെനിൻ, സുബൈദ പോത്തന്നൂർ, ടി.മുനീറ മുസ്തഫ കാടഞ്ചേരി, സുജീഷ് നമ്പ്യാർ, അബ്ദുൽ ജലീൽ, സലാം പോത്തനൂർ, മുരളിമേലെപ്പാട്ട്, കെ.പി റസാഖ്, കെ സാബിറ തുടങ്ങിയവർ ആശംസ നേർന്നു. എ.കെ രവീന്ദ്രൻ, രാജലക്ഷ്മി കണ്ടനകം, പി.ആരിഫ, കെ.മുനീറ എന്നിവർ ക്യാമ്പിന് നേതൃത്വം നൽകി. വി.കെ വിജയൻ സ്വാഗതവും, സാജിത പോത്തനൂർ നന്ദിയും പറഞ്ഞു.
