KERALA
കൊല്ലത്ത് ഡോക്ടറെ മര്ദിച്ച സംഭവം: കുറ്റക്കാര്ക്കെതിരെ കര്ശന നടപടിയെന്ന് ആരോഗ്യ മന്ത്രി.
കൊല്ലം ശാസ്താംകോട്ട താലൂക്ക് ആശുപത്രിയില് ഡോക്ടറെ മര്ദിച്ച സംഭവം അപലപനീയമാണെന്ന് ആരോഗ്യ മന്ത്രി വീണ ജോര്ജ്. ഇത്തരം സംഭവങ്ങള് ഒരു തരത്തിലും അംഗീകരിക്കാനാവില്ല. ആരോഗ്യ പ്രവര്ത്തകരുടെ മനോവീര്യം തകര്ക്കുന്ന സംഭവങ്ങള് അവസാനിപ്പിക്കേണ്ടതാണ്. കുറ്റക്കാര്ക്കെതിരെ കര്ശന നടപടി സ്വീകരിക്കുന്നതാണെന്നും മന്ത്രി വ്യക്തമാക്കി. ഡോക്ടറെ മന്ത്രി നേരിട്ട് വിളിച്ച് കാര്യങ്ങള് അന്വേഷിച്ചതായും മന്ത്രി അറിയിച്ചു
കൊല്ലം ശാസ്താംകോട്ട താലൂക്ക് ആശുപത്രിയിലെ ഡ്യൂട്ടി ഡോക്ടറെ പഞ്ചായത്ത് പ്രസിഡന്റ് കയ്യേറ്റം ചെയ്തെന്നാണ് പരാതി. ശൂരനാട് വടക്ക് പഞ്ചായത്ത് പ്രസിഡന്റ് ശ്രീകുമാര് അടക്കമുള്ളവര്ക്കെതിരെയാണ് പരാതി. മരണം ഉറപ്പാക്കാന് ഡോക്ടര് ആശുപത്രിക്ക് പുറത്തേക്ക് എത്താത്തതിന്റെ പേരിലുള്ള തര്ക്കം കയ്യേറ്റത്തില് കലാശിക്കുകയായിരുന്നു.
