EDAPPAL
എടപ്പാളിൽ യുഡിഎഫ് മഹിളാ വിഭാഗത്തിന്റെ നേതൃത്വത്തില് ആഹ്ലാദപ്രകടനം നടത്തി
എടപ്പാള്:യുഡിഎഫ് മഹിളാ വിഭാഗത്തിന്റെ നേതൃത്വത്തില് ആഹ്ലാദ പ്രകടനം നടത്തി.എടപ്പാൾ ടൗണിലാണ് വിഎസ് ജോയിയുടെ വിജയം ഡിജെ യുടെ അകമ്പടിയോടെ ആഘോഷമാക്കിയത്.കോൺഗ്രസ്, ലീഗ് മഹിളാ പ്രവർത്തകർ എന്നിവരാണ് ആഹ്ലാദപ്രകടനം നടത്തിയത്.കുറ്റിപ്പുറം റോഡിൽ ക്രസന്റ് പ്ലാസ ഗ്രൗണ്ടിൽ നിന്നും ആരംഭിച്ച ആഹ്ലാദ പ്രകടനം എടപ്പാൾ മേൽപ്പാലത്തിലൂടെ തൃശ്ശൂർ റോഡിൽ എത്തി നാല് റോഡുകളിലും പ്രദിക്ഷണം വെച്ച് കുറ്റിപ്പുറം റോഡിൽ സമാപിച്ചു.തുറന്ന ജീപ്പിൽ നിയുക്ത എംഎൽഎ വിഎസ് ജോയിയെ സ്വീകരിച്ചുകൊണ്ടാണ് ആഹ്ലാദ പ്രകടനം നടത്തിയത്.പ്രകടനത്തിന് മഹിളാ കോൺഗ്രസ് ജില്ലാ ജനറൽ സെക്രട്ടറി അഡ്വ:കവിത ശങ്കർ,ജില്ലാ സെക്രട്ടറി മാലതി വട്ടംകുളം,വനിതാ ലീഗ് തവനൂർ മണ്ഡലം പ്രസിഡൻറ് റമീല ,വനിതാ ലീഗ് നേതാക്കളായ സിപി മുനീറ ബാബാ ഹാജി,സിപി സമീറ ബാബാ ഹാജി,സിപി നിസ്മ ബാവാ ഹാജി തുടങ്ങിയവർ നേതൃത്വം നൽകി.
