EDAPPALLocal news
സഞ്ചാരവും ഗംഭീരമാക്കും;നിർദ്ദിഷ്ട തവനൂർ തിരുന്നാവായ പാലം നിർമാണ പ്രദേശം മന്ത്രി പി എ മുഹമ്മദ് റിയാസ് സന്ദർശിച്ചു
എടപ്പാൾ: തവനൂർ തിരുന്നാവായ പാലത്തിനോടനുബന്ധിച്ച് ടൂറിസം സാധ്യതകൾകൂടി ഉപയോഗപ്പെടുത്തും. ‘കേരളഗാന്ധി’ കേളപ്പജിയുടെ സമാധിസ്ഥലവും സർവോദയ മേളയും ഇതിന്റെ ഭാഗമാക്കും. പാലം നിർമിക്കുന്ന സ്ഥലം സന്ദർശിച്ച പൊതുമരാമത്ത് മന്ത്രി പി എ മുഹമ്മദ് റിയാസ്, കെ ടി ജലീൽ എംഎൽഎ എന്നിവരാണ് ഇക്കാര്യം അറിയിച്ചത്. 1180 മീറ്റർ നീളത്തിലാണ് പാലം നിർമിക്കുക. ഇരുവശത്തും 1.5 മീറ്റർ വീതിയിൽ നടപ്പാതയുൾപ്പെടെ 11 മീറ്റർ വീതിയിൽ രണ്ടുവരിപ്പാത. പദ്ധതിയുടെ സ്ഥലമേറ്റെടുക്കൽ അന്തിമഘട്ടത്തിലാണ്. 21 ഭൂവുടമകൾക്ക് നഷ്ടപരിഹാര തുക അനുവദിച്ചു. ഈ മാസം 23ന് സ്ഥലം ഏറ്റെടുത്ത് നൽകും. അതിനുശേഷം താമസമില്ലാതെ ടെൻഡർ ക്ഷണിക്കാൻ മന്ത്രി ഉദ്യോഗസ്ഥർക്ക് നിർദേശം നൽകി.
