താനൂര്‍ ബോട്ടപകടം: ജീവിതത്തിലേയ്ക്ക് കരകയറാനാവാതെ ഇനിയും രണ്ട് പിഞ്ചോമനകള്‍

പ​ര​പ്പ​ന​ങ്ങാ​ടി: താ​നൂ​ർ ബോ​ട്ട​പ​ക​ടം ന​ട​ന്ന് ര​ണ്ടു​മാ​സം പി​ന്നി​ടു​മ്പോ​ൾ ര​ണ്ട് കു​ഞ്ഞു​ജീ​വി​ത​ങ്ങ​ൾ വേ​ദ​ന​യു​ടെ നേ​ർ​സാ​ക്ഷ്യ​മാ​വു​ന്നു. അ​പ​ക​ട​ത്തി​ൽ​നി​ന്ന് ക​ര​ക​യ​റി​യ പ​റ​ക്ക​മു​റ്റാ​ത്ത ര​ണ്ടു​ജീ​വ​നു​ക​ൾ ജീ​വി​ത​ത്തി​ലേ​ക്ക് തി​രി​ച്ചു​വ​രു​ന്ന​തും കൊ​തി​ച്ച് ര​ക്ഷി​താ​ക്ക​ൾ ആ​ശു​പ​ത്രി​ക​ൾ ക​യ​റി​യി​റ​ങ്ങു​ക​യാ​ണ്. ഒ​രു​വ​യ​സ്സ് പി​ന്നി​ട്ട അ​യി​ശ മെ​ഹ്റി​ന്റെ ചു​ണ്ടി​ൽ പ​ഴ​യ പു​ഞ്ചി​രി വി​രി​ഞ്ഞു​കാ​ണാ​ൻ മാ​താ​പി​താ​ക്ക​ളാ​യ കു​ന്നു​മ്മ​ൽ നു​സ്ര​ത്തും മ​ൻ​സൂ​റും ചി​കി​ത്സ തു​ട​രു​ക​യാ​ണ്. ഒ​രു പ​തി​റ്റാ​ണ്ടി​ലേ​റെ കാ​ല​ത്തെ കാ​ത്തി​രി​പ്പി​നൊ​ടു​വി​ലാ​ണ് അ​യി​ശ മെ​ഹ്റി​ൻ പി​റ​ന്ന​ത്.

അ​പ​ക​ട​ശേ​ഷം ചി​കി​ത്സ​ക്ക് പ​ല കോ​ണി​ൽ​നി​ന്നും വാ​ഗ്ദാ​ന​ങ്ങ​ളു​ണ്ടാ​യി​രു​ന്നെ​ങ്കി​ലും സ്വ​കാ​ര്യ ആ​ശു​പ​ത്രി​ക​ളെ​ല്ലാം ധി​റു​തി​പി​ടി​ച്ച് തീ​വ്ര​പ​രി​ച​ര​ണ വി​ഭാ​ഗ​ത്തി​ൽ​നി​ന്ന് വീ​ട്ടി​ലേ​ക്ക​യ​ച്ചു. നി​ര​ന്ത​ര​മാ​യ ഫി​സി​യോ​തെ​റ​പ്പി​യി​ലൂ​ടെ പ​ഴ​യ അ​വ​സ്ഥ​യി​ലേ​ക്ക് തി​രി​ച്ചു​വ​രു​മെ​ന്ന വി​ദ​ഗ്ധ ഉ​പ​ദേ​ശം കേ​ട്ട കു​ടും​ബം കു​ഞ്ഞു​മോ​െ​ള​യും​കൊ​ണ്ട് ഒ​ന്നി​ട​വി​ട്ട ദി​വ​സ​ങ്ങ​ളി​ൽ സ്വ​ന്തം ചെ​ല​വി​ൽ ഫി​സി​യോ​തെ​റ​പ്പി ചെ​യ്തു​വ​രു​ക​യാ​ണ്.

അ​പ​ക​ട​ത്തി​ൽ ഉ​മ്മ​യും സ​ഹോ​ദ​ര​നും ന​ഷ്ട​പ്പെ​ട്ട അ​ഞ്ചാം ക്ലാ​സു​കാ​രി കു​ന്നു​മ്മ​ൽ ജ​ർ​ഷ​മോ​ളു​ടെ ജീ​വ​ൻ തി​രി​ച്ചു​കി​ട്ടി​യെ​ങ്കി​ലും ജീ​വി​ത​മാ​കെ താ​ളം തെ​റ്റി​യി​രി​ക്കു​ക​യാ​ണ്. അ​പ​ക​ട​ത്തി​ന് മു​മ്പ് ഒ​രു​വി​ധ ശാ​രീ​രി​ക-​മാ​ന​സി​ക വൈ​ക​ല്യ​വു​മി​ല്ലാ​ത്ത കു​ട്ടി​യു​ടെ അ​വ​സ്ഥ ഇ​പ്പോ​ൾ ഭി​ന്ന​ശേ​ഷി​ക്കാ​ർ​ക്ക് സ​മാ​ന​മാ​ണ്. തി​രൂ​രി​ലെ ബി.​ആ​ർ.​സി ആ​ശു​പ​ത്രി​യു​ടെ സൗജന്യ ചി​കി​ത്സ​യി​ലാ​ണി​പ്പോ​ൾ ജ​ർ​ഷ മോ​ൾ. അ​ഞ്ചാം ക്ലാ​സി​ലേ​ക്ക് വി​ജ​യി​ച്ച കു​ട്ടി​യു​ടെ പ​ഠ​ന​വും പാ​തി​വ​ഴി​യി​ൽ മു​ട​ങ്ങി.

ജോ​ലി​യി​ലി​രി​ക്കെ അ​പ​ക​ട​ത്തി​ൽ മ​രി​ച്ച സി​വി​ൽ പൊ​ലീ​സ് ഓ​ഫി​സ​ർ സ്വ​ബ്റു​ദ്ദീ​ന്റെ ആ​ശ്രി​ത​ർ​ക്ക് സ​ർ​ക്കാ​ർ ജോ​ലി ല​ഭ്യ​മാ​ക്കു​ന്ന​തു​ൾ​െ​പ്പ​ടെ​യു​ള്ള കാ​ര്യ​ങ്ങ​ളി​ൽ വേ​ഗ​മു​ണ്ടാ​ക​ണ​മെ​ന്ന് ക​രു​തു​ന്ന​താ​യി സ്റ്റേ​ഷ​ൻ ഓ​ഫി​സ​ർ കെ.​ജെ. ജി​നേ​ഷ് പ​റ​ഞ്ഞു. അ​പ​ക​ട​ത്തി​ൽ മ​രി​ച്ച ആ​യി​ശ ബീ​വി​യു​ടെ​യും മൂ​ന്നു മ​ക്ക​ളു​ടെ​യും ഓ​ർ​മ​ക​ളി​ൽ ചെ​ട്ടി​പ്പ​ടി ഗ്രാ​മ​ത്തി​ന്റെ തേ​ങ്ങ​ല​ട​ങ്ങി​യി​ട്ടി​ല്ല. അ​വ​ശേ​ഷി​ച്ച ര​ണ്ടു​മ​ക്ക​ൾ പി​താ​വ് വി.​കെ. സൈ​നു​ദ്ദീ​ന്റെ​യും കു​ടും​ബ​ത്തി​ന്റെ​യും സം​ര​ക്ഷ​ണ​ത്തി​ലാ​ണി​പ്പോ​ൾ. ഇ​വ​ർ​ക്ക് വീ​ട് അ​നു​വ​ദി​ക്കാ​ൻ വി​വി​ധ വാ​തി​ലു​ക​ൾ മു​ട്ടി​യെ​ങ്കി​ലും അ​ധി​കൃ​ത​ർ ക​നി​ഞ്ഞി​ട്ടി​ല്ല. കു​ന്നു​മ്മ​ൽ കു​ടും​ബ​ത്തി​ലെ ര​ണ്ടു സ​ഹോ​ദ​ര​ങ്ങ​ൾ​ക്ക് മു​സ്‍ലിം ലീ​ഗ് സം​സ്ഥാ​ന ക​മ്മി​റ്റി വാ​ഗ്ദാ​നം ചെ​യ്ത ര​ണ്ടു വീ​ടു​ക​ളു​ടെ നി​ർ​മാ​ണം ഉ​ട​ൻ തു​ട​ങ്ങു​മെ​ന്നാ​ണ് ക​രു​ത​പ്പെ​ടു​ന്ന​ത്.

Edappal News