തവനൂരിൽ ഇനി ബാല സൗഹൃദ ഭവനങ്ങൾ
എടപ്പാൾ: ഇന്ത്യയിലെ ആദ്യത്തെ ബാലസൗഹൃദ ഭവനങ്ങൾ ആകുന്ന ആദ്യ പഞ്ചായത്താണ് തവനൂരെന്ന് എം.എൽ.എ.
തവനൂർ കെ.സി.എ.ഇ.ടി ഹാളിൽ വെച്ചു നടന്ന ” കുട്ടിപ്പുര “ബാല സൗഹ്യദ ഭവനം പ്രഖ്യാപനം നടത്തുകയായിരുന്നു അദ്ദേഹം. കുട്ടികൾ ഏറ്റവും സുരക്ഷിതരാണെന്ന് കരുതപ്പെടുന്ന വീടുകളിൽ അരക്ഷിതാവസ്ഥ നേരിടുന്നു. നമ്മൾ വളരെ അടുപ്പമുള്ളവരെന്നും സ്വന്തക്കാരെന്നും കരുതുന്നവർ കുട്ടികളോട് എങ്ങനെ പെരുമാറുന്നു എന്ന് രക്ഷിതാക്കൾക്ക് ധാരണ വേണം. വിദ്യാർത്ഥികൾ സ്വന്തം വീട്ടിലും കുടുംബാംഗങ്ങളിലും സുരക്ഷിതരാണെന്ന് രക്ഷിതാക്കൾ ഉറപ്പുവരുത്തണം. പഞ്ചായത്ത് പ്രസിഡണ്ട് സി.പി.നസീറ അദ്ധ്യക്ഷത വഹിച്ചു. വൈസ് പ്രസിഡണ്ട് ടി.വി.ശിവദാസ് പദ്ധതി വിശദീകരണം നടത്തി. .മലപ്പുറം ചൈൽഡ് വെൽഫയർ കമ്മിറ്റി ചെയർമാൻ അഡ്വ.സുരേഷ് കുമാർ റിപ്പോർട്ട് അവതരിപ്പിച്ചു. പഞ്ചായത്ത് സെക്രട്ടറി ടി.അബ്ദുൾ സലീം. എ.കെ.പ്രേമലത, എ.പി.വിമൽ, പി.എസ്.ധനലക്ഷമി, കെ.ലിഷ, കെ.ഷീജ, ഡോ.പി.ആർ.ജയൻ.ഷാജിത ആറ്റാശ്ശേരി, അഡ്വ.പി.ജാബിർ, കെ.പി.വേണു, എം.ബാലകൃഷ്ണൻ, എ.അബ്ദുള്ള, നസീറ എന്നിവർ പ്രസംഗിച്ചു.
ഗ്രാമ പഞ്ചായത്തിൻ്റെയും മലപ്പുറം ചൈൽഡ് വെൽഫയർ കമ്മറ്റിയുടേയും നേതൃത്വത്തിലാണ് പരിപാടി നടത്തിയത്. പരിപാടിയുടെ ഭാഗമായി ഗൃഹസന്ദർശന സർവ്വേ, ബോധവത്ക്കരണം, പ്രശ്ന പരിഹാരങ്ങൾക്കായി അദാലത്ത്, കൗൺസിലിംങ്ങ് സെൻറ്റർ, ബാല ഗ്രാഭ സഭകൾ, കുട്ടികൾക്കായി കളിക്കളങ്ങൾ, വീടുകളിലും വിദ്യാലങ്ങളിലും ബാലസൗഹൃദ അന്തരീഷം സൃഷ്ടിക്കൽ തുടങ്ങി പ്രവർത്തനങ്ങൾ പദ്ധതിയുടെ ഭാഗമായി നടത്തി.
