ചങ്ങരംകുളം ചിയാനൂരിൽ സൈക്കിൾ നിയന്ത്രണം വിട്ട് ഇലക്ട്രിക്ക് പോസ്റ്റിൽ ഇടിച്ച് 13 കാരന് ദാരുണാന്ത്യം
ചങ്ങരംകുളം:സൈക്കിൾ നിയന്ത്രണം വിട്ട് ഇലക്ട്രിക്ക് പോസ്റ്റിൽ ഇടിച്ച് 13 കാരന് ദാരുണാന്ത്യം ചങ്ങരംകുളം ചിയാനൂർ താമസിക്കുന്ന കറുകത്തൂർ ചെട്ടിപ്പടി സ്വദേശി മൂർക്കത്ത് ശ്രീനിവാസന്റെ മകൻ അഭിജിത്ത്(13)ആണ് മരിച്ചത്.വ്യാഴാഴ്ച വൈകിയിട്ട് 5 മണിയോടെയാണ് സംഭവം.ചാലിശ്ശേരി സ്കൂൾ എട്ടാം ക്ലാസ്സ്‌ വിദ്യാർത്ഥിയായ അഭിജിത്ത് സ്കൂളിൽ നിന്ന് യൂണിഫോം വാങ്ങുന്നതിനാണ് വീട്ടിൽ നിന്ന് സൈക്കിളിൽ പുറപ്പെട്ടത്.താടിപ്പടിയിലെ യൂറോടെക്ക് ഗോഡൗണിന് സമീപത്തെ റോഡിലെ ഇറക്കവും വളവും വരുന്ന ഭാഗത്ത് നിയന്ത്രണം വിട്ട് സൈക്കിൾ ഇലക്ട്രിക്ക് പോസ്റ്റിൽ ഇടിക്കുകയായിരുന്നു. റോഡിൽ തെറിച്ച് വീണ അഭിജിത്തിന് തലക്ക് പരിക്കേറ്റിരുന്നു. ശബ്ദം കേട്ട് ഓടിയെത്തിയ നാട്ടുകാർ ചങ്ങരംകുളത്തെ സ്വകാര്യ ആശുപത്രിയിലും പിന്നീട് കുന്നംകുളത്തെ സ്വകാര്യ ആശുപത്രിയിലും തുടർന്ന് തൃശ്ശൂരിലെ സ്വകാര്യ ആശുപത്രിയിലും എത്തിച്ചെങ്കിലും മരണം സംഭവിക്കുകയായിരുന്നു.
ചങ്ങരംകുളം ചിയാനൂർ സ്വദേശിയും ചങ്ങരംകുളം മദർ ഹോസ്പിറ്റലിൽ ജീവനക്കാരിയുമായ രനിതയാണ് മാതാവ്.അഭിനവ്സഹോദരനാണ്.ഗൾഫിലായിരുന്നപിതാവ് അടുത്ത ദിവസം നാട്ടിൽ
വരാനിക്കുകയായിരുന്നു.അഭിജിത്തിന്റെ മരണ വിവരം അറിഞ്ഞ് ശ്രീനിവാസൻ നാട്ടിലേക്ക് തിരിച്ചു. പോലീസ് നടപടികൾ പൂർത്തിയാക്കി പോസ്റ്റുമോർട്ടത്തിന് ശേഷം മൃതദേഹം ബന്ധുക്കൾക്ക് വിട്ടു കൊടുക്കും
