വില്ലേജ് ഓഫിസുകളില് ജില്ലാ കലക്ടറുടെ നേതൃത്വത്തിൽ മിന്നൽ പരിശോധന
May 28, 2023
ജില്ലാ കലക്ടർ വി.ആർ പ്രേം കുമാറിന്റെ നേതൃത്വത്തിൽ വില്ലേജ് ഓഫിസുകളില് മിന്നല് പരിശോധന നടത്തി.ജില്ലയിലെ വിവിധ വില്ലേജ് ഓഫീസുകളിൽ കഴിഞ്ഞ ദിവസങ്ങളിൽ പരിശോധന നടത്തി.പാണക്കാട്, ,ഊരകം വില്ലേജ് ഓഫീസുകളിലാണ് ഇന്നലെ പരിശോധന നടത്തിയത്. റവന്യൂ വകുപ്പിലെ സീനിയർ സൂപ്രണ്ട് അൻസു ബാബു, ജൂനിയർ സൂപ്രണ്ട് മാരായ എൻ.വി സോമസുന്ദരൻ, എസ്.എൽ ജ്യോതി,സീനിയർ ക്ലാർക്ക് മാരായ എസ്. ജയലക്ഷ്മി, ഇ.പ്രസന്നകുമാർ, ക്ലർക്കുമാരായ പി.സജീവ്, സി.സ്വപ്ന എന്നിവരാണ് പരിശോധന സംഘത്തിൽ ഉണ്ടായിരുന്നത്. വ്യാഴം, വെള്ളി ദിവസങ്ങളിലും ജില്ലയിലെ വിവിധ വില്ലേജ് ഓഫീസുകളിൽ പരിശോധന നടത്തിയിരുന്നു.വില്ലേജ് ഓഫീസുകളിൽ എല്ലാ മാസവും കൃത്യമായി പരിശോധനകൾ നടത്തുന്നുണ്ടെന്നും അതുകൊണ്ടുതന്നെ ഗൗരവമുള്ള പരാതികളും ക്രമക്കേടുകളും മിന്നൽ പരിശോധനയിൽ കണ്ടെത്തിയിട്ടില്ലെന്നും കളക്ടർ അറിയിച്ചു. ഓൺലൈൻ സേവനങ്ങൾ പരമാവധി പ്രയോജനപ്പെടുത്തി സർക്കാർ സേവനങ്ങൾ കാര്യക്ഷമമായി ഉപയോഗിക്കണമെന്ന് കളക്ടർ പൊതുജനങ്ങളോട് അഭ്യർത്ഥിച്ചു
