കോഴിക്കോട് ജില്ലയില്‍ മൊബൈൽ കടകള്‍ക്ക് രണ്ട് ദിവസം പ്രവര്‍ത്തിക്കാന്‍ അനുമതി
കോവിഡ് വ്യാപനത്തെ തുടര്‍ന്ന് ലോക്ഡൗണ്‍ നിലനില്‍ക്കുന്ന കോഴിക്കോട് ജില്ലയില്‍ കൂടുതല്‍ ഇളവുകള്‍ പ്രഖ്യാപിച്ച് ജില്ലാ ഭരണകൂടം. ഫോൺ റിപ്പയർ/സ്പെയർ പാർട്സ് കടകൾക്ക് ആഴ്ചയില്‍ രണ്ട് ദിവസം പ്രവര്‍ത്താക്കാമെന്ന് കളക്ടര്‍ അറിയിച്ചു. കോവിഡ് മാനദണ്ഡങ്ങൾ പാലിച്ച്, ലോക്ഡൗൺ ചട്ടങ്ങൾ ചട്ടങ്ങൾക്ക് വിധേയമായി വേണം ബുധനാഴ്ച്ചയും വെള്ളിയാഴ്ച്ചയും തുറന്നുപ്രവര്‍ത്തിക്കാം.
അതേസമയം, കേരളത്തില്‍ ഇന്ന് 28,798 പേര്‍ക്ക് കോവിഡ്-19 സ്ഥിരീകരിച്ചു. ഇന്ന് രോഗം സ്ഥിരീകരിച്ചവരില്‍ 184 പേര്‍ സംസ്ഥാനത്തിന് പുറത്ത് നിന്നും വന്നവരാണ്. 26,860 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 1663 പേരുടെ സമ്പര്‍ക്ക ഉറവിടം വ്യക്തമല്ല. രോഗം സ്ഥിരീകരിച്ച് ചികിത്സയിലായിരുന്ന 35,525 പേര്‍ രോഗമുക്തി നേടി. ഇതോടെ 2,48,526 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 21,67,596 പേര്‍ ഇതുവരെ കോവിഡില്‍ നിന്നും മുക്തി നേടി. കഴിഞ്ഞ ദിവസങ്ങളിലുണ്ടായ 151 മരണങ്ങളാണ് കോവിഡ്-19 മൂലമാണെന്ന് ഇന്ന് സ്ഥിരീകരിച്ചത്. ഇതോടെ ആകെ മരണം 7882 ആയി.
