MALAPPURAM

സഹകരണ ജീവനക്കാരുടെ ശമ്പള പരിഷ്കരണം നടപ്പാക്കണം: സി.ഇ.ഒ വനിതാ സംഗമം

മലപ്പുറം | സഹകരണ ജീവനക്കാരുടെ ശമ്പള പരിഷ്കരണം ഉടന്നെ നടപ്പാക്കണമെന്ന് കോ ഓപ്പറേറ്റീവ് എംപ്ലോയിസ് ഓര്‍ഗനൈസേഷന്‍ (സി ഇ ഒ) ജില്ലാ വനിതാ സംഗമം സര്‍ക്കാറിനോട് ആവശ്യപ്പെട്ടു. ശമ്പള പരിഷ്കരണം വൈകിപ്പിക്കുന്ന സര്‍ക്കാര്‍ നടപടിയിലും ജീവനക്കാരുടെ അവകാശങ്ങളും ആനുകൂല്യങ്ങളും നിഷേധിക്കുന്ന സര്‍ക്കാറിന്‍റെ നിഷേധാത്മക സമീപനത്തിലും സംഗമം പ്രതിഷേധിച്ചു.

ജില്ലയിലെ ഏഴ് താലൂക്കിലെയും സി.ഇ.ഒ വനിതാ വിംങ് ഭാരവാഹികളും സംഗമത്തില്‍ പങ്കെടുത്തു.

സംഗമം സി.ഇ.ഒ സംസ്ഥാന വര്‍ക്കിംങ് പ്രസിഡന്‍റ് ഹാരിസ് ആമിയന്‍ ഉദ്ഘാടനം ചെയ്തു. സര്‍വ്വീസില്‍ നിന്നും വിരമിച്ച സി.ഇ.ഒ ജില്ലാ പ്രസിഡന്‍റ് വാക്യത്ത് റംലക്ക് ജില്ലാ കമ്മിറ്റിയുടെ ഉപഹാരവും നല്‍കി. ജില്ലാ വൈസ് പ്രസിഡന്‍റ്
വി.കെ.സുബൈദ അധ്യക്ഷനായി
ജില്ലാ പ്രസിഡന്‍റ് മുസ്തഫ അബ്ദുല്‍ ലത്തീഫ് ജന സെക്രട്ടറി അനീസ് കൂരിയാടന്‍,കെ.കുഞ്ഞിമുഹമ്മദ്,കെ.പി.ജല്‍സമിയ, സാലി മാടമ്പി,വി.എന്‍.ലൈല,ബേബി വഹീദ,പി.മുസ്തഫ,ശാഫി പരി,കെ.ടി.മുജീബ്,ഇ.സി.സിദ്ധീഖ്,പി.നിയാസ് ബാബു , റസിയ പന്തല്ലൂര്‍ പ്രസംഗിച്ചു. പുതിയ ജില്ലാ വനിതാ വിംങ് ഭാരവാഹികളായി വി.കെ.സുബൈദ (പ്രസിഡന്‍റ്) ബേബി വഹീദ,ഷെരീഫ മുതൂര്‍ ,മുംതാസ് പാങ്ങ്,ഫാത്തിമ എടക്കര,റഫീഖമോള്‍ (വൈസ് പ്രസിഡന്‍റുമാര്‍)റംലത്ത് പരപ്പനങ്ങാടി,ഷാഹിന എരുമമുണ്ട,റംല വളാഞ്ചേരി,സാജിദ സമീഹത്ത് (സെക്രട്ടറിമാര്‍) രജിത അനന്താവൂര്‍ (ട്രഷറര്‍) എന്നിവരെ തിരഞ്ഞെടുത്തു.

Related Articles

Leave a Reply

Your email address will not be published. Required fields are marked *

Back to top button