KERALA
സംസ്ഥാനത്ത് ഒറ്റ, ഇരട്ട നമ്പർ പ്രകാരം സ്വകാര്യ ബസുകള്‍ക്ക് സര്‍വ്വീസ് നടത്താം; ശനി, ഞായർ ഒഴികെ; മാര്‍ഗനിര്‍ദ്ദേശങ്ങളായി
തിരുവനന്തപുരം: സംസ്ഥാനത്ത് സ്വകാര്യ ബസ് സര്‍വ്വീസ് നടത്തുന്നത് സംബന്ധിച്ച് മാര്‍ഗ നിര്‍ദ്ദേശം പുറത്തിറക്കി. ഒറ്റ-ഇരട്ട അക്ക നമ്പറുകള്‍ അനുസരിച്ച് ബസുകള്‍ക്ക് ഒന്നിടവിട്ട ദിവസങ്ങളില്‍ സര്‍വ്വീസ് നടത്താം. നാളെ (18-06-2021) ഒറ്റയക്ക ബസുകള്‍ സര്‍വ്വീസ് നടത്തണം.
അടുത്ത തിങ്കഴാഴ്ച (21-06-21)യും പിന്നെ വരുന്ന ബുധന്‍, വെള്ളി ദിവസങ്ങളിലും ഇരട്ട അക്ക നമ്പര്‍ ബസുകള്‍ക്ക് സര്‍വ്വീസ് നടത്താം. അടുത്തയാഴ്ച ചൊവ്വ, വ്യാഴം ദിവസങ്ങളിലും തുടര്‍ന്ന് വരുന്ന തിങ്കളാഴ്ചയും (28-06-21) ഒറ്റ നമ്പര്‍ ബസുകള്‍ വേണം നിരത്തില്‍ ഇറങ്ങാന്‍. ശനി, ഞായര്‍ ദിവസങ്ങളില്‍ ബസ് സര്‍വ്വീസ് അനുവദിനീയമല്ല.
