EDAPPAL
“നിശബ്ദ കൊലയാളിയായ പ്രമേഹരോഗത്തെ തിരിച്ചറിയാം, മങ്ങുന്ന കാഴ്ചകൾക്ക് നിറം പകരാം”
സൗജന്യ കാഴ്ച പരിശോധനയും പ്രമേഹരോഗ നിർണയ ക്യാമ്പും നടന്നു
എടപ്പാൾ: “നിശബ്ദ കൊലയാളിയായ പ്രമേഹരോഗത്തെ തിരിച്ചറിയാം, മങ്ങുന്ന കാഴ്ചകൾക്ക് നിറം പകരാം” എന്ന ക്യാപ്ഷനിൽ ഡി.ആർ. എസ് നോളഡ്ജ് സിറ്റി ചങ്ങരംകുളം സൗജന്യ കാഴ്ച പരിശോധനയും പ്രമേഹരോഗ നിർണയ ക്യാമ്പും നടത്തി.
ഡി.ആർ. എസ് കോളേജ് എം.എൽ.ടി ഡിപ്പാർട്ട്മെന്റ് കോർഡിനേറ്റ് ചെയ്ത പരിപാടിയിൽ ഐറ്റീസ്‌ ഐ ഹോസ്പിറ്റൽ മലപ്പുറവും ഗെറ്റ്‌വെൽ ഹോസ്പിറ്റൽ നടുവട്ടവും പങ്കാളികളായി.
നൂറിൽപരം ആളുകൾ പങ്കെടുത്ത ക്യാമ്പിൽ പ്രശസ്ത ഡയബറ്റോളജിസ്റ്റ് ഡോ: ആർ.പി അബ്ദുൽ ഹക്കീം പ്രമേഹരോഗത്തെ കുറിച്ച് അവബോധന ക്ലാസ്സ്‌ നടത്തി. ഡയറക്ടർ റഷിൻ, ഫിനാൻസ് ഡയറക്ടർ അമീൻ, കോളേജ് പ്രിൻസിപ്പൽ നാജിയ, സീനിയർ പ്രിൻസിപ്പൽ റെജി വി ജോർജ് എന്നിവർ ആശംസകൾ അർപ്പിച്ചു.
അദ്ധ്യാപികമാരായ ഷിറിൻ, വിസ്മയ, ജാസ്മിൻ, റിൻഷ എന്നിവർ പരിപാടിക്ക് നേതൃത്വം നൽകി.
