നാടിൻ്റെ വിനാശത്തിന് കാരണമാകുന്ന പദ്ധതികളെ വികസനത്തിൻ്റെ പേരിൽ കൊണ്ടുവരുന്നത് ചെറുക്കണം – പരിസ്ഥിതി പ്രവർത്തകൻ അഡ്വ. പി.എ. പൗരൻ

എടപ്പാൾ: നാടിൻ്റെ വിനാശത്തിന് കാരണമാകുന്ന പദ്ധതികളെ വികസനത്തിൻ്റെ പേരിൽ കൊണ്ടുവരുന്നത് ചെറുക്കണമെന്ന് പരിസ്ഥിതി പ്രവർത്തകൻ അഡ്വ. പി.എ. പൗരൻ പറഞ്ഞു. എടപ്പാൾ – അയിലക്കാട് റോഡിൽ കമ്പനിപ്പടിയിൽ സ്ഥാപിക്കാൻ പോകുന്ന ഓക്സി ഫ്ലോ വാട്ടർ പാർക്കിനെതിരെ ജനകീയ സമരസമിതി നടത്തിയ പ്രതിരോധ സമരം ഉദ്ഘാടനം ചെയ്യുകയായിരുന്നു അദ്ദേഹം.
സമരസമിതി ചെയർമാൻ പി.പി. മുസ്തഫ അധ്യക്ഷനായി.കെ.പി. മുഹമ്മദലി ഹാജി, വട്ടംകുളം ഗ്രാമപ്പഞ്ചായത്ത് പ്രസിഡന്റ് എം.എ. നജീബ്, എടപ്പാൾ പഞ്ചായത്ത് വൈസ് പ്രസിഡൻ്റ് കെ. പ്രഭാകരൻ, ഗ്രാമപ്പഞ്ചായത്തംഗം കെ.പി. റാബിയ, ബ്ലോക്ക് പഞ്ചായത്തംഗം എൻ.ആർ. അനീഷ്, വിവിധ രാഷ്ട്രീയ പാർട്ടി പ്രതിനിധികളായ ഇബ്രാഹിം മൂതൂർ, എം. നടരാജൻ, എ.എം. രോഹിത്, പ്രഭാകരൻ നടുവട്ടം, ടി.പി. മുഹമ്മദ്,
എന്നിവർ പ്രസംഗിച്ചു.